Nunanut allanukarusuppit?

Nunani Avannarlerni nunaniluunniit allani ingerlaqqiffiusumik ilinniarnissat periarfissaqarpoq.

Nunat Avannarliit

Kalaaliullutit Danmarkimi innuttaassuseqarputit, taamaammallu Nunani Avannarlerni (Norge, Sverige, Finland, Savalimmiut, Island) ingerlaqqiffiusumik ilinniarnissat qinnutigisinnaavat - Nunani Avannarlerni innuttaasut allat assigalugit.

Nunani Avannarlerni ilinniarneq Danmarkimisulli amerlanertigut akeqanngilaq. Ilinniagaqarnersiatit ilinniartillutit Nunamut Avannarlermut nassarumallugit qinnuteqarsinnaavutit. Annertunerusumik paasissutissat  uaniipput

Nunani Avannarlerni ingerlaqqiffiusumik ilinniakkat assigiinngitsut arlaqarput, taakkualu uani takusinnaavatit: www.norden.org.                  

Nunat allat

Nunani allani (Kalaallit Nunaata, Danmarkip Nunallu Avannarliit avataanni) ilinniagassat assigiinngitsut amerlaqaat. Tamaani ilinniarneq Kalaalit Nunaani, Danmarkimi Nunanilu Avannarlerni ilinniarneq assiginagu, amerlanertigut akeqartarpoq.

Namminersorlutik Oqartussat akiliiffiusussani ilinniarnernut tamakkununnga akiliineq ajorput, kisianni periarfissaqarputit immikkut akuerineqarneq aqqutigalugu tapiiffigineqarnissamik qinnuteqarnissamut.

Qanoq immikkut akuerineqarnissamik qinnuteqarsainnaanerit pillugu paasissutissarsiorsinnaavutit uani.

Ilinniartutut ilinniakkannut atatillugu nunami allamiinnissaq sungiusarlunilu sulinissaq

Ilinniartutut ilinniakkannut atatillugu nunami allamiinnissaq sungiusarlunilu sulinissaq periarfissaqarpoq.

Imaassinnaavoq ilinniarfigisat nunani allani universitetinik ilinniarfinnillu allanik immikkut isumaqatigiissuteqartoq – angalasinnaaninnut periarfissaqartitsisumik.

Nunanut Allanut Naalakkersiusoqarfimmi Nuummi, Kalaallit Nunaatalu Aallartitaqarfianni Reykjavikimi, Bruxellesimi aammalu Washington, D.C.-mi sungiusarluni sulinermik periarfissaqarpoq.

Kandidat imaluunniit ukiup pingajussaanik bacheloritut inuiaqatigiilerinermi ilisimatusartut sungiusarluni sulinermik semesterimi ataatsimi periarfissaqarput, Kalaallit Nunaanni Naalakkersuisoqarfiup suliaasa ilinniarnissaat aammalu Kalaallit Nunaata avammut soqutigisaat Nunanut Allanut Naalakkersuisoqarfiup aallartitaqarfiulluunniit qanoq suliarisarneraat ilinniarfigineqassallutik.

Periarfissat aalajangersimanerusut paasisaqarfiginerorusukkukkit ilinniarfinni ilitsersuisorisat saaffigisinnaavat, sulinermik misiliinermut paasissutissat ataani kakkiussimasumi immaqaluunniit toqqaannaq naalakkersuisoqarfik saaffigalugu uani +299 345000 imaluunniit nap@nanoq.gl 

Sulinermik misiliinermut paasissutissat sukumiinerusut uani takusinnaavatit:

https://naalakkersuisut.gl/kl-GL/Naalakkersuisut/Naalakkersuisoqarfiit/Udenrigsanliggende/Praktikantordning