Danmarkiliarusuppit?

Kalaaliullutit Danmarkimi innuttaassuseqarputit, taamaammallu aamma Danmarkimi ilinniarsinnaallutit.

 

Piviusut

  • Ilinnialernissamut piumasaqaatit: GUX + immikkut Ilinnialernissamut piumasaqaatit
  • Kvote 1 Qinnuteqarfissap killinga: d. 5. juli
  • Kvote 2 Qinnuteqarfissap killinga: d. 15. marts
  • Aningaasaqarneq: DK-nmi SU
  • Paasissutissat: www.ug.dk

Kissaatigigukku Danmarkimi ingerlaqqiffiusumik ilinniagaqarsinnaavutit.

Ingerlaqqiffiusumik ilinniakkat assigiinngitsorpassuit uani takusinnaavatit: www.ug.dk.

Ilinnialernissamut piumasaqaatit

Danmarkimi ingerlaqqiffiusumik ilinnialissaguit GUX-imi soraarummeersimasariaqarputit.

Tamatuma saniatigut ilinniakkat assigiinngitsut  immikkut Ilinnialernissamut piumasaqaatitaqartarput. Taakku takusinnaavatit uani: www.ug.dk.

Kvote 2 aqqutigalugu qinnutreqaruit, immikkut ittunik kvote 2-mut tunngasunik piumasaqaateqarpoq.

Qinnuteqarneq

Danmarkimi ingerlaqqiffiusumik ilinnialernissamut qinnuteqaatit una aqqutigalugu immersussavat: www.optagelse.dk.

Kvote 1 aqqutigalugu qinnuteqarneq:

Kvote 1 tassaavoq karakteerit agguaqatigiissinnerat atorlugu qinnuteqarniartunut naatsorsuussaq.

Qinnuteqarfissap killinga: 5. juli nal. 12.00

Kvote 2 aqqutigalugu qinnuteqarneq 2:

Kvote 2 tassaavoq soraarummeernermi agguatigiissillugu angusat saniatigut piginnaanitik tunngavigalugit qinnuteqarniartunut naatsorsuussaq. Eqqaamajuk misilittakkavit peqqissaartumik uppernarsaasersornissaat, qinnuteqaativit suliarinerani ilanngunneqarnissaat siunertaralugu.

Qinnuteqarfissap killinga: 15. marts nal. 12.00

Soraarummeersimanermut uppernarsaatit nassiunnissaat (uploadernissaat) eqqaamallugu.

Ilinniakkamut qinnutigisannut tunngatillugu paasissutissat immikkut ittut misissoqqissaarnissaat eqqaamajuk uani: www.ug.dk.

Immikkut aaqqissuussineq                           

Immikkut aaqqissuussineq naatsorsuussaavoq ilinniarnertuunngornerminni agguaqatigiissitsinermi appasissunik karakteereqaraluarlutik ilinniakkani ilinniarnertuunngorniarfimmit qaffasissunik agguaqatigiissillugu karakteereqarnissamik piumasaqaateqarfiusuni ilinnialerumasunut.

Imaappoq assresuutigalugu agguaqatigiissillugu 6 karakteererigukku (13-skalami 8), ilinniakkami qinnuteqarfigisanni qaffasinnerusumik agguaqatigiissitsinermi karakteereqarnissaq piumasaagaluartorluunniit ilinnialersinnaavutit.

Taamaattoq ilinniakkami fagit aalajangersimasut killiffinni A, B imlt., C-mi angusiffigisimanissaannik piumasaqaatit suli atuutissapput – tamanna ilinnialernissamut piumasaqaataappat. Fagit taakku minnerpaamik 2 (13-skalami 6) karakteerini ataasiakkaani tamani karakteereralugu angusiffigisimasariaqarput.

Ilinniakkat kvote 1 aqqutigalugu qinnuteqarfiusinnaasut immikkut aaqqissuussinermut ilaapput.

Immikkut aaqqissuussineq aqqutigalugu ilinnialernissat qinnutiginiarukku tamanna immersugassamik immersuininni ilisimatitsissutigissavat, uani: www.optagelse.dk.

Immikkut aaqqissuussineq taamaallaat ataasiarlutit atorsinnaavat.

Uppernarsaatit qinnuteqaammut www.optagelse.dk-imi ilanngutassat:

  • Qinnuteqartup najugarisimasat uppernarsaataa (najugarisimasat inunngornermiit maannamut)
  • Qinnuteqartup ataataata anaanaataluunniit Kalaallit Nunaanni nunalik najugaqarnermut uppernarsaataa atuuttoq (qinnuteqartoq 24- inik ukioqalersimanngippat)
  • Qinnuteqartup inunngornermut – kuisissimanermulluunniit allagartaq angajoqqaat aqqa ilanngullugit (qinnuteqartoq 24 –inik ukioqalersimanngippat)
  • Atuariartorsimanermut ilinniarsimanermulluunniit Danmarkimi 18-nik ukioqalernerup kingorna uppernarsaat ilanngunneqarsinnaavoq
  • Inunnut isumaginninnermut tunngatillugu Danmarkimiisimanermut, kalaallit oqartussat Danmarkimiissimanermut 18-inik ukioqalernerup kingorna ikiusimasut uppernarsaat ilanngunneqarsinnaavoq

Aningaasaqarneq

Danmarkimi ingerlaqqiffiusumik ilinniakkami ilinnialernissat akuerisaappat, Danmarkimi SU qinnutigisinnaavat.

Immikkut malugeqquneqarpoq marloriaammik akileraarusiineq pillugu isumaqatigiissut.

Marloriaammik akileraarusiinermik isumaqatigiissut isumaqarpoq, ilinniartutut akileraarnermi inuttut ilanngaatip saniatigut, naalagaaffeqatigiinnermi ilanngaat kiisalu ilinniartutut ilanngaat atorneqassasut. Tamanna isumaqarpoq, aatsaat ukiumut 126.000 kr.-t sinnerlugit aningaasarsiorsimagaanni qallunaat nunaanni akileraartoqassasoq (2017-imi akissatut aalajangiussat malillugit). Qallunaat ilinniagaqarnersiutaasa saniatigut allanik isertitaqanngikkaanni, Danmarkimiitilluni qallunaat ilinniagaqarnersiutaat akileraarutigineqassanngillat. 

Uani takusinnaavat Akileraartarnermut Aqutsisoqarfiup, kalaallit ilinniartut akileraartarneri pillugit ilitsersuusiaa. (Qallunaatuinnaq allassimavoq.)

Paasissutissat takusinnaavatit uani aamma uani: www.su.dk.

Danmarkimi iliniartutut inuuneq

Danmarkimi ingerlaqqiffiusumik ilinniarnissat qinnutigisimaguku, aallartinnak eqqaamasassatit arlaqarput. Annertunerusumik paasissutissat uaniipput:

Danmarkimi ilinniartutut inuuneq