Danmarkimi ilinniagaqarnissamut qinnuteqarneq

Qinnuteqaatit nassiunneqartussat sisamat

Danmarkimi ilinniarniaruit qinnuteqaatit nassiunneqartussat sisamaasarput

1.      Kalaallit Nunnaata avataani tapiissutissanut/særydelser qinnuteqaat uaniippoq: www.sunngu.gl

Uppernarsaatit piumaneqartut tamarmik nassiunneqassapput: 

  • Inuugavilli sumi najugaqarsimanermut uppernarsaat. (www.cpr.dk - registerindsigt takuuk)
  • Ilaqutariit ilaassappata ineqatigiinnermut uppernarsaat.
  • Soraarummeernermut allagartat kopiat, (aamma efterskole-miit)
  • Ilinniarfissamut qinnuteqaatip kopia

Ilinniagaqarneq siullertut toqqarsimasaq tunngavigalugu Kalaallit Illuannut Qinnuteqaat nassiunneqassaaq: Kigusinnerpaamik 1. marts.

2.      Ilinniagaqarnissamut qinnuteqaat digitaliserigaq uaniippoq: www.optagelse.dk, qallunaatut inuttaassuseqarnerit x-leruk

Piumasaqaatit www.ug.dk mi paasiniakkit. Nalorniguit Kalaallit Illuat saaffigiuk.

Qaffasinnerusunik illinniagaqarfinnut:

  • Kvote 1 karakterit kisiisa tunngavigalugit qinnuteqartunut. Kigusinnerpaamik 5.juli
  • Kvote 2 Karakterit saniatigut piukkunnaatit tunngavigalugit qinnuteqartunut. Kigusinnerpaamik 15.marts
  • Immikkut isumaqatigiissut (særordning) aqqutigalugu qinnuteqaruit eqqaamassavat tamanna qinnuteqaammi nalunaarutiginissaa. Immikkut isumaqatigiissuk ataasiaannarlutit atorsinnaavat. Kigusinnerpaamik 15.marts

Eqqaamajuk karakteritit upload-ternissaat.

Iliniarnertuungorfinnut imaluunniit inuussutissarsiutigalugu ilinniagaqarfinnut:

Qinnuteqaat www.optagelse.dk-miittoq imal. atuarfiup quppersagaaniittoq atorlugu qinnuteqassaatit. Qinnuteqarfissaq kingulleq eqqumaffigissavat allanngorarsinnaammata, uani takuneqarsinnaapput: www.ug.dk imal. atuarfissannut paasiniaagit

3.      SU-mut qinnuteqaat (Dansk SU) – www.su.dk

Aatsaat qaammat ataaseq atualernissaq sioqqullugu qinnuteqaatigisinnaavat.

20-it inorlugit ukioqaruit Kalaallit Illuanut saaffiginnissaatit tapisiaqarnissamut periarfissat pillugit.

SU qinnutegissagukku uku pisariaqarput:

4.      Inissaqarnissamut qinnuteqaat

Nammineq akisussaaffigaat inissarsiornissat. Kallaallit Illuisa nittartaagaanni immaluunnit sianerfigalugit paasiniaasinnaavutit qanoq inissarsiortoqartartoq:

                                                                                                                       

 Nunap assinga DK

Aalborg:        www.dgh-aalborg.dk           Tlf. 9814 6800

Aarhus:         www.groenlandskehus.dk   Tlf. 8611 0288

Odense:        www.dgh-odense.dk           Tlf. 6613 7085

København:   www.sumut.dk,                   Tlf. 3391 1212    


5.      Immikkut malugeqquneqarpoq marloriaammik akileraarusiineq pillugu isumaqatigiissut

Marloriaammik akileraarusiinermik isumaqatigiissut isumaqarpoq, ilinniartutut akileraarnermi inuttut ilanngaatip saniatigut, naalagaaffeqatigiinnermi ilanngaat kiisalu ilinniartutut ilanngaat atorneqassasut. Tamanna isumaqarpoq, aatsaat ukiumut 126.000 kr.-t sinnerlugit aningaasarsiorsimagaanni qallunaat nunaanni akileraartoqassasoq (2017-imi akissatut aalajangiussat malillugit). Qallunaat ilinniagaqarnersiutaasa saniatigut allanik isertitaqanngikkaanni, Danmarkimiitilluni qallunaat ilinniagaqarnersiutaat akileraarutigineqassanngillat. 

Uani takusinnaavat Akileraartarnermut Aqutsisoqarfiup, kalaallit ilinniartut akileraartarneri pillugit ilitsersuusiaa. (Qallunaatuinnaq allassimavoq.)