Timersornermik ilinniartitsisoq

Københavnimi Paul Petersens Institutimi timersornermik ilinniartitsisunngorniarnissamut tapiissutinik qinnuteqarsinnaavutit.

Tapiiffigineqassaguit piumasaqaatit makkuupput:

  • 18-inik ukioqalersimanissaq
  • Timersornermik silamiluunniit angalanermik ingerlataqassaatit
  • Timersoqatigiiffimmut attuumassuteqassaatit imaluunniit kommunimi sunngiffimmi sammisaqartitsinermik aqutsisumit ilinnialernissamut inassutigineqassallutit

Piumasaqaatit timersornermik aamma silami ingerlatsinermik sammivimmut atuupput.

Ilinniagaq annertunerusumik paasisaqarfigisinnaavat uani: www.paulpetersen.dk

Danmarkimi SU tassungalu ilanngullugu ilinniarnermut akiliutip matussuserneqarnissaa qinnutigisinnaavatit, uani: www.su.dk.

Namminersorlutik Oqartussanut ilinniarnermut akiliutip ilaata matussusernissaanut qinnuteqarsinnaavutit, qallunaat SU-aniit matussuserneqarsimanngippat.

Timersornermik ilinniartitsisutut ilinniakkami ukiumut annerpaamik ilinniartut marluk tapiiffigineqarsinnaapput.