Inuutissarsiutigalugu timmisartortartoq (suluusalinni)

Inuutissarsiutigalugu timmisartortartutut sulerisuppit, aamma aalajangersimasumik angallaveqarluni attartorneqarlunilu timmisartuussinissanik aaqqissuussisarusuppit?

Inuutissasiutigalugu timmisartortartutut ilinniarnissat qinnutigisinnaavat uku aqqutigalugit:

Ilinniarneq ukiut marluk missaannik sivisussuseqarpoq Roskildimilu pisarluni.

Ilinniakkamut ilaapput atugarsorneq aamma sungiusarneq (timmisartorneq).

Namminersorlutik Oqartussat immikkut tapiissuteqartarput ukiumut annerpaamik timmisartortartuinngornianut sisamanut.

Tullia qinnuteqarfissaq killigivaa 1/3-20, ilinniarnerlu aallartilluni apriilimi 2020

Namminersorlutik Oqartussat ilinnialernissamut piumasaqaataat

Timmisartortartutut ilinniassaguit Namminersorlutik Oqartussat ilinnialernissamut piumasaqaataat piviusunngortissinnaasariaqarpatit.

Makkuuppullu:

  • linniarnertuunngorniarfimmiit angusarissaarluni soraarummeersimaneq tuluttut B aamma matematik B faginilu tamani agguaqatigiissillugit minnerpaamik 7-ersimanissaq imaluunniit Tuluttut A aamma Matematik A minnerpaamik 4-simanissaq (karakterilersuisarneq nutaaq naapertorlugu)

Imaluunniit

  • Minnerpaamik HF-imi fagini ataasiakkaani dansk A aamma tuluttut B aamma matematik B fagini ataasiakkaani agguaqatigiissillugu minnerpaamik 7-ersimanissaq imaluunniit tuluttut A aamma matematik A taakkuna fag-ini 4-simanissaq (karakterilersuisarneq nutaaq naapertorlugu). 

Karakteerit agguaqatigiissinnerisa naatsorsorneranni taamaallaat soraarummeernermi karakteerit ilaassapput, ukiumut karakteeriujunnartut pinnatik.

Ilinniarnerup aallartinnerani qinnuteqartoq annerpaamik 35-nik ukioqalersimassaaq.

Air Greenlandimit aamma Air Zafari Greenlandimit immikkut piumasaqaatit

Timmisartortitseqatigiit pisinnaasariaqartut suliffissaqartitsinerlu tunngavigalugit qinnuteqartut akornanni toqqartuisarput makku aallaavigalugit, qinnuteqartut… 

  • Aallarnisaataasumik oqaloqatigiinnermi angusisimassapput
  • Teoriimik ilinniarfiup ilinnialernissamut misilitsissutaanik pinngitsoorani aqqusaagassamik angusisimaneq
  • Psykologiskimik/psykotekniskimik misilitsinnernik angusisimaneq
  • Atuarnermik misilitsinnermik inuutissarsiutigalugu timmisartortartutut allagartartaarnissamut piumasaqaataasumik angusisimassapput aamma atortorissaarutinut allagartaqassapput (instrumentbevis)
  • Nakorsamit misilinneqarnermi (medical test) angusisimassapput
  • Timmisartortartoqatigiit timmisartuutaanni immikkut iluaqusersunngikkaluarlutik timmisartornermi atortunik (flight controls) atuisinnaassapput
  • Timmisartortartunngornissamut piukkunnartutut nalilerneqassapput

Ilinniartunngortitsiniarnerup ingerlanerani qaqugukkulluunniit qinnuteqartut tunuartinneqarsinnaapput.

Ilinnialernissamut misilitsinneq

Ilinnilinnginnermi misilitsinnerit arlaqartut ingerlanneqassapput angusiffigineqarlutillu. Misilitsinnerit siunertaraat qinnuteqartut ilinniakkap naammassinissaanut inuutissarsiutigalugulu timmisartortartussatut piukkunnassusaasa nalilersornissaat.

Qulequttat makku misilitsinnernut ilaapput.

Aallarnisaataasumik oqaloqatigiinneq

Silappaarissutsimik misiliineq:


Tassani nalilerneqartarput qinnuteqartup ajornartorsiutinik aaqqiiniarnermut piginnaaneqassusia aamma ilisimasanik pisinnaasanillu nutaanik ilikkarsinnaassusii. Tamakku pingaaruteqarput  timmisartortartutut sulinermut aamma ilinniarnermut, tassanimi atuagarsornikkut ilikkagassat annertuut ilinniarneqartussaapput.

Pisinnaasanik misiliineq:


Tassani qinnuteqartup tuluttut matematikkimillu pisinnaasai misilinneqartarput. Tuluttut pisinnaasaqarluarnissaq pisariaqarpoq, ilinniarneq tuluttut ingerlanneqartarmat. Matematikkimik pisinnaasaqarluarnissaq fagini arlalinni pisariaqarpoq, soorlu sumiissusersiornermi, timmisartut teknikkianni aamma qarasaasialerinermi.

Teknikkimut-mekanikkimut tunngasunik misiliineq:


Misiliinermi tassani qinnuteqartup ataqatigiiffinni teknikkimut-mekanikkimut tunngasuni eqqarsariaasia nalilerneqartarpoq

Timmisartut tarrannguunnerinik paasinnissinnaanermik misiliineq:


Misiliinermi tassani nalilerneqartarpoq, timmisartup ingerlaarnermini silaannarmi sumiiffiata allanngorarneranik takunnissinnaassuseq – imaappoq ingerlasunik pingasoqiusaasumik paasinnissinnaassuseq.

Pisinnaasanik misiliineq:


Qinnuteqartyup suliassanik arlalinnik ataatsikkut ingerlassaqarsinnaassusia, soorlu eqqarsarluni suliassat suliariutigalugit assamminik atuisinnaassusia.

Apersuilluni oqaloqateqarneq:


Misiliinerit qulaani pineqartut naammassippata ilinniartunngortitsiniarneq naggaserlugu qinnuteqartoq apersorlugu oqaloqatigineqassaaq, tamannalu psykologimit timmisartortartut suliaannik ilinniarnerminnilu atugarisaannik immikkut ilisimasalimmit ingerlanneqartarpoq.

Ilinnialernissamut misilitsinnermut oqaloqatigineqarnermullu tunngatillugu angalanernut aningaasartuutit Air Greenlandimit imaluunniit Air Zafari Greenlandimit akilerneqassapput.

Tamatuma saniatigut Air Greenlandimi ilinniartitsinermut immikkoortortaqarfiata aamma Air Zafari Greenlandip nalilersuisarput timmisartortanngorniaq timmisartortitseqatigiiffimmi pisortanit aningaasalersukkami timmisartortartutut naapertuunnersoq imaluunniit ilinniarnerminik unitsitsiinnassanersoq.

Air Greenlandimi aamma Air Zafari Greenlandimi timmisartornermut pisortat aalajangiineri inaarutaasumik aalajangiinerupput.

Ilinniarfiup aamma Air Greenlandip kiisalu Air Zafari Greenlandip akornanni isumaqatigiissutaat naapertorlugu, timmisartortitseqatigiiffiit ilisimatinneqassapput, Inuutissarsiutigalugu timmisartortartutut taaneqassagaanni ilinniakkami anguniakkanik ilinniartoq piviusunngortitsinngikkaangat. 

Aningaasaqarneq najugaqarnerlu

Air Greenland, Air Zafari Greenland aamma IKIIN Kalaallit Nunaanni timmisartortartussanik ilinniartitsinermi suleqatigiinnissamik aningaasalersueqatigiinnissamillu isumaqatigiissuteqarnikuupput. Isumaqatigiissut taanna naapertorlugu timmisartortartunngorniat ilinniarnermut aningaasartuutit ilaat akilissavaat.

Nammineerluni aningaasalersuineq pisarpoq Ilinniagaqarnersiaqarfik aqqutigalugu 350.000 - 400.000 kr. missaanni attartornikkut, taakkualu attartukkat allat assigalugit erniat akilersorneqartussaallutik.

Danmmarkimi SU aamma ilinniarnermut taperneqarnissaq qinnutigisinnaavatit. Uani SU-mik qinnuteqarlutillu annertunerusumik paasisaqarsinnaavutit: www.su.dk.

Kalaallit Nunaannit ilinniagaqarnersiaqarnissamik qinnuteqarneqt:

Inuutissarsiutigalugu timmisartortartunngorniarmi ilinniagaqarnersiaqarumallutit qinnuteqarsinnaavutit immeresugassaq una immersorlugu: ”Kalaallit Nunaata avataani ilinniarnernut ilinniagaqarnersiutinik qinnuteqaat.”

Qinnuteqaat immersoriarlugu uunga nassiunneqassaaq Københavnimi Kalaallit Illuannut nassiunneqassaaq uunga: prh@sumut.dk kingusinnerpaamik 1. marts.

Qinnuteqarnermi immersukkamut ilaatinneqassaaq inuunerup oqaluttuassartaata allaaserinera qallunaatut allataq.

Tamatuma kingorna qinnuteqaatit Kalaallit Illuanni ilitsersuisartunit suliarineqassaaq, taakkualu nalilissavaat Namminersorlutik Oqartussat ilinniaqarnersiuteqartitsinermi piumasaqaataat piviusunngortissimaneritit aamma Kalaallit Nunaata avataani ilinniagaqarnersiaqarsinnaatitaanersutit.

Piumasaqaataasut naammassisinnaagukkit, kingusinnerpaamik november qaammataani tapertinnissamut neriorsuummik nassitsissaatit, tamatumalu kingorna qinnuteqaatitl Air Greenlandimut imluunniit Air Zafarimut ingerlateqqinneqassaaq, tassanilu inaarutaasumik aalajangiiffigineqarluni.

Kalaallit Nunaata avataani ilinniagaqarnersiat pillugit paasissutissat uaniipput.

Ineqarneq

Air Greenland aamma CAPA pequsersukkamik inissaqartitsisarput, ilinniartup nammineq akilertagassaanik, akiliutit ilinniarnerup nalaani maanna qaammammut 3.200 kr-upput.

Air Zafari Greenland initaarniarnermut ikiuussinnaapput, inigisarlu malittarisassat atuuttut naapertorlugit akilersorneqassaaq.

Attavissaq

Air Greenland    

Ilinniartitsinermi ilitsersuisoq: Jeanne Holm

Tlf.: 34 34 34

E-mail: JHolm@airgreenland.gl

Air Zafari Greenland

Tlf.: 55 12 20

E-mail: airzafari@gmail.com