Atornerluisunik ilitsersuisartoq (Misbrugsvejleder)

Danish Addiction Counsellor (DAC)

DAC – ilinniagaq (Danish Addiction Counselor)

 

Suliassaqarfik:

DAC pillugu ilinniarnerup, atornerluisunik katsorsaaneq, ilinniartup pinngitsuuisinnaanngitsumik taassumalu ilaqutaanik siunnersuinermik katsorsaanermillu isumaginnissinnaasunngortinnissaa siunertaraa. Atuagarsorneq aamma suliffimmi misiliineq aqqutigalugit pinngitsuuisinnaajunnaarneq pillugu ilisimasaqalerneq ilinniartup angussavaa. 

Atornerluisunut katsorsaasut katsorsaavinni namminersortuni, kommunini, pineqaatissinneqarsimasunut inissiisarfinni kiisalu peqqinnissaqarfinni pinaveersaartitsinermi siunnersortitut atorfinitsinneqarsinnaapput.

Kalaallit Nunaanni pisortat suliffeqarfiini atorfittaarusukkaanni marluinnik, danskisut kalaallisullu, oqaaseqartuunissaq iluaqutaasinnaasoq Peqqissutsimut Naalakkersuisoqarfimmit erseqqissarneqarpoq.

 

DAC pillugu ilinniarneq, pinngitsuuisinnaajunnaarneq, ICD-10, pillugu WHO-p paasinnittarnera malillugu suliassatigut immersugaavoq. katsorsaariaatsit assigiinngitsorpassuit aamma pinaveersaartitsinermi periutsit ilinniartunut saqqummiunneqartarput. 

 

Ilinniartitaaneq

Qaammatini 18-ini qaammammi september-imi aallartittumik, tamakkiisuusumik ilinniarnertut ilinniartitaaneq ingerlasarpoq. Ilinniartitaaneq ukiup affakkaartunut pingasunut, atuagarsornermut sulillunilu misiliinermut agguataarneqarpoq. 

 

Illinniartitaanerup ingerlanerani sulilluni misiliinerit marluk ilaatinneqarput. Sulilluni misiliinermi anguniarneqartoq tassaavoq, katsorsaasup sulinermini atuuffiinik misissuataarinissaq misileeraanissarlu. Sulilluni misiliinerup ingerlanerani ilinniartoq sulilluni misiliinermi ilitsersuisoqartinneqassaaq, tassumalu sapaatit akunneri pingasut qaangiunneri tamaasa ilinniartup ingerlatsinera naliliiffigisarlugulu akuersissutigisassavaa. Sulilluni misiliinerit marluusut akissarsiaqarfiunngillat sapaatillu akunnerani akunnernut 37-nut agguataaqqassallutik, taakkunannga akunnerit arfineq-marluk ilinniarnermi sammisassanut allattariarsornermut tunngasunut illikartinneqarsimassapput. Sulilluni misiliinermi akunnerit sinneruttut 30-t agguataarnissaat, sulilluni misiliiffiusumut isumaqatigiissutigineqassapput. 

 

Piumasaqaat

 

  • Danskisut oqalussinnaaneq hf-imisut qaffasissuseqartoq imaluunniit meeqqat atuarfiannik naammassinnilluni misilitsissimanissaq inuussutissarsiutinik ilinniarsimanermik aamma/imaluunniit ilinniartuusimanermik pisariaqartumik ilaqartoq. 

 

  • Pinngitsuuisinnaajunnaarnermik sivikinnerpaamik ukiuni marlunni atuisimannginneq. 

 

  • Pinngitsuuisinnaajunnaarnermik ajornartorsiutinut ilisimasaqarneq soqutigisaqarnerluunniit aamma/imaluunniit inunnik isumaginnittutut/peqqissaasutut/perorsaasutut sulinermik misilittagaqarneq.

 

  • Inuunermi atukkanut aamma pinngitsuuisinnaanermut/pinngitsuuisinnaaqataanermut tunngatillugu pissutsinik aalajaatsunik qulaajakkanillu atugaqarneq.

 

Ilinniarfimmut isersinnaaneq pissaaq, inuttut oqaloqatiginninnermik aamma isersinnaanermut piumasaqaatit kinguliini allanneqartut eqquutsinneqarnerannik ataatsimoortumik naliliineq aallaavigalugit. Pisuni immikkut ittuni isersinnaaneq immikkut akuerineqarsinnaavoq. 

 

 

 

 

 

Paasissutissat nalinginnaasut aningaasaqarnikkullu atugarisat

 

  • Kalaallit Nunaanni Namminersorlutik Oqartussat immikkut aningaasaliisarpoq amerlanerpaanut ukiumut DAC pillugu ilinniartunut marlunnut.

 

  • Qinnuteqartut meerallit Danmarkimi atuarfimmiinnermi meeqqatik ilagisinnaanngilaat (tassa atuarfimmiinneq qaammatinik qulinik sivikinnerummat)  Ilinniagaqarnersiutit pillugit Namminersorlutik Oqartussat nalunaarutaat nr. 9, ulloq 19. juli 2017-imeersumi §37 imm. 2 naapertorlugu.

 

  • Ilinniagaqarnermut akiliut, Ilinniagaqarnersiutit pillugit Namminersorlutik Oqartussat nalunaarutaat nr. 9, ulloq 19. juli 2017-imeersumi § 14 naapertorlugu akilerneqassaaq.

 

  • Ukiup affakkaarneri tamaasa atuakkanut tapiissutinik 1100 kr.-nik tunniussisoqartarpoq.

 

  • Qinnuteqartoq nammineerluni inissarsiorlunilu ineqarnermut akiliisassaaq.

 

  • Danmarkimi ilinniagaqarnersiutit SU-t pissarsiarisinnaavatit una aqqutigalugu www.su.dk

 

 

Qinnuteqaat

Qinnuteqarnissamut piffissaliussaq kingulleq tassaavoq 01.marts nal. 12 qallunaat nunaanni nalunaaqutaq malillugu.

Sumiiffiit marluk qinnuteqarfigisinnaavatit:

 

1.    Kalaallit Nunaanni Namminersorlutik Oqartussanit immikkut ittumik tapiissutigisartagaat qinnutigisinnaavatit,

qinnuteqaat ilanngussanik pisariaqartunik ilaqartillugu

https://sunngu.gl/da/Ilinniagaqarnersiutit/Qinnuteqaatit

kiisalu DAC-imut qinnuteqaatip nuutinnera uunga prh@sumut.dk

 

2.    Qinnuteqaat ilanngussanik pisariaqartunik ilaqartoq https://www.dac-uddannelsen.dk/ansoegning-til-misbrugskonsulent-uddannelse/

 

 

Attaveqarfissat najugaqarfiusut:

 

Kalaallit Illuutaat (Det Grønlandsk Hus)

Løvstræde 6

1152 KØBENHAVN K                  

Ilinniarnermut siunnersorti: Pia Rosing Heilmann

prh@sumut.dk

www.sumut.dk

 

 

DAC pillugu ilinniarneq

kontakt@dac-uddannelsen.dk

www.dac-uddannelsen.dk