Isumaginninnermi siunnersortit

Inunnik isumaginninnermi suliat soqutigivigit, aamma inuiaqatigiinni kalaallini innuttaasunut malunnaatilimmik suliaqarusuppit?

Ilinniakkap normua: 804394

Piviusut:

  • Sivisussusaa: uk. 3½
  • Ilinnialernissamut piumasaqaatit: GUX + immikkut piumasaqaatit 
  • Qinnuteqarfissap killinga: 1. marts
  • Aningaasaqarneq: Ilinniagaqarnersiat
  • Ilinniarfik: Ilimmarfik, Nuuk
  • Ilinniartitsinermi oqaatsit: Kalaallisut/Qallunaatut
  • Paasissutissat: www.uni.gl

Isumaginninnermi siunnersortitut ilinniagaq inuiaqatigiinnik ilisimatusarnermik siamasissumik ilinniagaavoq, immikkoortut suliamut attuumassuteqartut sisamat iluanni ilinniarfiusoq:

·         Isumaginninnermi suliat

·         inuiaqatigiilerineq

·         psykologii

·         inatsisit

Ilinniagaq atorfinissutaasinnaasumik bacheloritut ilinniarneruvoq atugarsorneqartaqarluni sungiusarlunilu sulinertaqarluni.

Ilinniakkap siunertaraa isumaginninnermi siunnersortinik, ullumikkut inuiaqatigiinni ajornartosiutaasunut nalæeqqiullugu pinaveersaartitsisinnaallutillu ikiorsiisinnaasunik ilinniartitsinissaq.

Isumaginninnermi siunnersortitut ilinniagaq ilinniagaavoq inuttut unamminartunik naapitsiffigisinnaasat inunnullu allanut qanimut attaveqarfiusartoq.

Ilinnialernissamut piumasaqaatit aamma qinnuteqarneq

Akuerineqarnissamut piumasaqaataavoq ukiuni pingasuni GUX-ereerluni soraarummeersimaneq assingusumilluunniit ilinniarnertuutut ilinniagaqarsimaneq.

 

Naatsorsuutigineqarpoq faginik kalaallisut danskisullu A-niveaumi ingerlatsisoqarsimanissaa minnerpaamillu C-mik karaktereqartoqarnissaa.

 

Naatsorsuutigineqarportaaq qinnuteqartut tuluttut B-niveaumik ingerlatsisimanissaat minnerpaamik D-mik karaktereqarlutik.

 

Innersuussutigineqarpoq ilinnialersussat GUX-imi inuiaqatigiilerinermik peqqinnissamullu tunngasunik ilinniagaqarsimanissaat.

Taakku uani annertunerusumik atuarsinnaavatit: Ilisimatusarfiup nittartagaa.

Ilinnialernissat qinnutigiuk una aqqutigalugu www.sullissvik.gl

 

Siunissami periarfissat

Isumaginninnermi siunnersortit Kalaallit Nunaanni amigaataaqaat. Taamaammat pisortaqarfinni isumaginninnermi siunnersortitut atorfininnissamut periarfissarissaassaatit, soorlu Namminersorlutik Oqartussani, kommunini, pinarluuteqarsimasunik sullissivimmi napparsimaveqarfinnilu, imaluunniit isumaginninnermi suliffinni namminersortuni soqutigisaqaqatigiittullu ingerlatsivinni.

Aningaasaqarneq

Isumaginninnermi siunnersortitut ilinniarninni ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Ilisimatusarfik

Tlf.: +299 38 56 00

E-mail: mail@uni.gl