Nutserisoq aamma Oqalutsi

Oqaatsinik soqutigisaqarpit aamma Kalaallit Nunaata nunarsuarmut akuujartuinnarluni siunissami peqataalluarnissaanut tapertaarusuppit?

Ilinniakkap normua: 805633

 

Piviusut:

  • Sivisussusaa: uk. 3½
  • Ilinnialernissamut piumasaqaatit: GUX + immikkut piumasaqaatit 
  • Qinnuteqarfissap killinga: 1. marts
  • Aningaasaqarneq: Ilinniagaqarnersiat
  • Ilinniarfik: Ilimmarfik, Nuuk
  • Ilinniartitsinermi oqaatsit: Qallunaat oqaasii
  • Paasissutissat: www.uni.gl

Nutserisutut Oqalutsitullu atorfinissutaasinnaasumik bacheloriutut ilinniagaqaruit pisortatigut aaqqissugaanermi marlunnik oqaaseqarfiusumi sullissinermi qitiusumik inissisimalissaatit, aamma kalaallit oqaasiisa nunarsuarmioqataaleriartuinnarnerup nalaani piuinnarnissaannut peqataassallutit.

Ilinniakkamut matumunnga siunertaavoq ilinniartup ukununnga piareersarnissaa – kalaallit qallunaallu oqaasiisa akornanni nutserisinnaallunilu oqaluttaasinnaanissaq aamma tuluit oqaasiinik allallunni attaveqatigiinneq qitiutillugit.

Ilinnialernissamut piumasaqaatit aamma qinnuteqarneq

Akuerineqarnissamut piumasaqaatit imaapput:

 

- Ukiuni pingasuni GUX-ereerluni soraarummeersimaneq assingusumilluunniit ilinniarnertuutut ilinniagaqarsimaneq

- Fagi kalaallisut A-niveaumi angusiffigineqarsimassaaq

- Fagi danskisut A-niveaumi angusiffigineqarsimassaaq

- Fagi tuluttut minnerpaamik B-niveaumi angusiffigineqarsimassaaq

Faginut pingasunut taakkununnga tunngatillugu angusinermi karakterit anguneqarsimassapput, taamatullu aamma ukiumoortumik karakterit soraarummeernermilu karakterit angusiffiusimassallutik.

 

Qinnuteqartut soraarummeerutinut oqaatsitigullu pisinnaasassanut akuerineqarnissamut piumasaqaatinik matuma qulaani allassimasunik eqqortitsinngitsut ilinnialernissamut akuerineqarsinnaapput immikkoortortamit sukumiisumik nalileereernikkut qinnuteqartoq ilinniakkanut piumasaqaatigineqartunut assingusunik ilinniagaqarsimasorineqarpat. Uani annertunerusumik atuarsinnaavatit: Ilisimatusarfiup nittartagaa.

Ilinnialernissat qinnutigiuk una aqqutigalugu: www.sullissivik.gl

 

Siunissami periarfissat                

Nutserisutut aamma Oqalutsitut atorfinissutaasinnaasumik bacheloriuguit nutserisutut oqalutsitulluunniit atorfinissinnaavutit. Nutserisut oqalutsillu maanna annertuumik atorfissaqartinneqarput, taamaammat ilinniareernerpit kingorna atorfiniffigisinnaasatit pilerinartut amerlapput.

Soorlu makku iluanni atorfinittoqarsinnaavoq:

  • Naalakkersuisut
  • Inatsisartut
  • Peqqinnissaqarfik
  • Eqqartuussiviit
  • Niuernermik Ilinniarfimmi Ilisimatusarfimmilu ilinniartitsisoq
  • Suliffiit namminersortut
  • Freelance

Aningaasaqarneq  

Ilinniarninni ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Ilisimatusarfik
Tlf.: +299 38 56 00
E-mail: mail@uni.gl