Ilinniartitsisoq

Ilinniartitsineq aamma pædagogik soqutigivigit, aamma kalaallit meeqqat inuusuttullu ilinniaqqinnissaannut tunngavissilluarusuppigit?

Ilinniakkap normua: 805963 (central) aamma 805962 (najugaq qimanngu)

 

Piviusut:

  • Sivisussusaa: 4 år eller 4½ år
  • Ilinnialernissamut piumasaqaatit: GUX immikkut ittunik piumasaqaatitaqarluni 
  • Qinnuteqarfissap killinga: 1. marts
  • Aningaasaqarneq: Ilinniagaqarnersiat
  • Ilinniarfik: Ilinniarfissuaq, Nuuk
  • Undervisningssprog: Grønlandsk/Dansk
  • Paasissutissat: www.uni.gl

Ilinniagaq atorfinissutaasinnaasumik bacheloritut ilinniarneruvoq atugarsorneqartaqarluni sungiusarlunilu sulinertaqarluni.

Ilinniarfissuarmi ilinniartitsinermi ilinniassavatit pædagogikkimi teoriit, sungiusarlutit sulinerpit nalaani misilerarsinnaasatit. Taamaalilluni ilinniarninni ilinniartitsisutut sulinermut naleqqiullugu misilittagaqalerlutillu teoriitigut tunngavissinneqassaatit.

Ilinniarnerup ingerlanera

Ilinniartitsisunngornissamut periarfissat marluupput:

Qitiusumik ilinniartitsisunngorniarneq:

Nuummi Ilinniarfissuarmi ukiuni siamani ilinniarneq, tassani ilinniarfimmi ilinniartinneqarneq sungiusarlunilu sulineq paarlakaapput. Ukiup aappaani sungiusarluni sulineq Nunatsinni arlaanni ingerlassinnaavat, apeqqutaatillugu illoqarfimmi pineqartumi sungiusarluni sulinermi ilitsersuisoqarnersoq – aamma Danmarkimi Savalimmiuniluunniit ingerlanneqarsinnaavoq. 

Najukkami ilinniartitsisunngorniarneq:

Ukiut sisamat affarlu ungasianiit ilinniarnertut ingerlanneqartarpoq, illoqarfigisami ingerlanneqarsinnaalluni ilutigisaanik piffissap affaa atuarfimmi timelæreritut sulilluni. Ilinniarnerup ingerlaneranio Nuummi ilinniarfimmiittoqartarpoq, ukiorlu kingulleq aammattaaq Nuummi pisarluni. Ilinniarnermut ilaapput sapaatip-akunneri tamaasa sulianik tunniussinerit, internet aqqutighalugu suleqatigiikkaarluni sulineq, najugaq qimannagu soraarummeernerit sungiusaarlunilu sulineq. Ilinnialernissamut piumasaqaataapput piumasaqaatit piviusunngortissinnaanerat kiisalu atuarfimmi timelæreritut atorfeqarneq.

Ilinnialernissamut piumasaqaatit aamma qinnuteqarneq

Ilinnialernissamut piumasaqaataapput ukiuni pingasuni ilinniarnertuunngorniarnerup (GUX) angusilluni naammassisimanissaa aamma immikkut piumasaqaataasut, taakku uani annertunerusumik atuarsinnaavatit: Ilisimatusarfiup nittartagaa.

Ilinnialernissat qinnutigiuk una aqqutigalugu: www.sullissvik.gl

 

Siunissami periarfissat

Ilinniartitsisutut ilinniagaqaruit atuarfimmi sulilersinnaavutit.

Aamma masterimut kandidatimulluunniit ingerlaqqissinnaavutit.

Masteritut kandidatitulluunniit ilinniagaqaruit ilinniartitsinerup iluani aaqqissugaanermi ilusilersuinermut tunngasunik suliaqalersinnaavutit.

Aningaasaqarneq

Ilinniartitsisutut ilinniarninni ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Ilisimatusarfik
Tlf.: +299 38 56 00
E-mail: mail@uni.gl