Tusagassiortoq

Alapernaattuuvit aamma inuiaqatigiinni sammisat pingaarutillit pillugit misissuineq, qulaajaaneq ingerlatsitsqqiinerlu suliarerusuppigit?

Ilinniakkap normua: 802525

 

Piviusut:

  • Sivisussusaa: uk. 3½
  • Ilinnialernissamut piumasaqaatit: GUX immikkut ittunik piumasaqaatitaqarluni
  • Qinnuteqarfissap killinga: 1. marts
  • Aningaasaqarneq: Ilinniagaqarnersiat
  • Ilinniarfik: Ilimmarfik, Nuuk
  • Ilinniarnermi oqaatsit: Kalaallit/Qallunaat oqaasii
  • Paasissutissat: www.uni.gl   

Tusagassiortutut ilinniarninni tusagassiuutini naqitani, TV-mi, radiumi aamma nittartakkatigut tusagassiortutut suliassanik ilinniartinneqassaaitit

Ilinniagaq atorfinissutaasinnaasumik bacheloritut ilinniarneruvoq atuagarsornerullunilu suliamut sammisuulluni

Tusagassiornermi periutsit piginnaaneqarfigilissavatit aamma inuiaqatigiit kalaallit ilusaat aaqqissugaanerallu paasisaqarfigissallugit.

Ilinniarnermi piumasaapput suleqateqarluarsinnaassuseqarneq, imminut naalakkersorsinnaaneq nammineersinnaanerlu, tassami tusagassiortuunermi ujartuisinnaaneq nammineerlunilu aallarnisaasinnaaneq pineqarput.

Ilinnialernissamut piumasaqaatit aamma qinnuteqarneq

Akuerineqarnissamut piumasaqaataavoq GUX-imi soraarummeeruteqarsimanissaq.

 

Naatsorsuutigineqarpoq fagini kalaallisuumi danskisullu A-niveaumi minnerpaamik C-mik karakteereqarsimanissat. Fagimi tuluttuumi naatsorsuutigineqarpoq B-niveaumi minnerpaamik D-mik karakteereqarsimanissat. Ilinnialernissamut akuerisaasoqarsinnaavoq nunami allami soraarummeersimagaanni kalaallisut/danskisut soraarummeerummut sanilliunneqarsinnaasumik.

 

Innersuussutigineqarpoq ilinnialersussat GUX-imi inuiaqatigiilerinermik naammassinnissimanissaat.

 

Bachelorinngornialernissamut akuerineqarnissamut inaarutaasumik piumasaqaataavoq akuerisaanissamut misilitsinnissaq.

 

Akuerisaanissamut misilitsinneq ima ilusilerneqassaaq akuerisaanissamut qinnuteqartup tusagassiortutut eqqarsarsinnaassusianik, inuiaqatigiinni pissutsinik maanna atuuttunik ilisimasaqarneranik kalaallisullu danskisullu piginnaasaanik paasinarsisitsissalluni.

 

Tusagassiornermut Immikkoortortaq allamik ilinniagaqareerlutik qinnuteqartunut immikkut akuersissuteqarsinnaapput taakkua ilinniagaat Ilisimatusarfimmi Isumalioqatigiissitanit ilinnialernissamut piukkunnaataasutut nalilerneqarpat.

 

Akuerisaanissamut misilitsinneq pillugu atuarnerusinnaavutit Ilisimatusarfiup nittartagaani.

Ilinnialernissat qinnutigiuk una aqqutigalugu: www.sullissvik.gl

 

Siunissami periarfissat

Tusagassiortutut ilinniagaqaruit tusagassiuutit assigiinngitsut suliarisinnaavatit, soorlu TV-qarfiit, radiukkut aallakaatitsiviit, nittartakkanik aaqqissuisoqarfiit, aviisit aamma attaveqaqatigiinnermut immikkoortortaqarfiit il.il..

Immikkoortut aalajangersimasut iluini immikkut ilinniagaqarsinnaavutit, soorlu nunami namminermi pissutsit, nunani allani pissutsit, kulturi, pinerluttarnerit il.il.

Aamma nutaarsiassaqartitsivimmi pituttugaanak (freelance) aalajangersimasumilluunniit atorfilittut sulisinnaavutit.

Aningaasaqarneq

Tusagassiortumut ilinniarninni ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Ilisimatusarfik
Tlf.: +299 38 56 00
E-mail: mail@uni.gl