Aalisarnermi atortorissaarusersorneq

Pisat suliarineqartarneri, aalisakkat qaleruallillu aqunneqarnerat kiisalu isumalluutit uumassusillit tunisassiarineqartarneranik nalitusaanissamut soqutiginnippit?

Ilinniakkamut nr: 372011

Piviusut:

  • Sivisussusia: Ukiut sisamat.
  • Akuerisaanissamut piumasaqaatit: GUX + piumasaqaatit imaluunniit EUD + GUX-GSK
  • Kingusinnerpaamik qinnuteqarfissat marluupput: Pisassiissutit 2-mut kingusinnerpaamik qinnuteqarfissaq 15. marts nal. 12:00 Pisassiissutinullu 1-mut 5. juli nal. 12:00
  • Aningaasaqarneq: Iliinniarnersiutit
  • Oqaatsit ilinniartitsinermi atorneqartussat: Danskisut tuluttullu
  • Paasissutissat allat: www dtu dk

Ilinnerup ilaa annertooq Kalaallit Nunaanni ingerlanneqartassaaq. Tamanna aalisarnermi inuussutissarsiornermut, najukkani inuiaqatigiinnut ilinniarfinnullu qanimut suleqateqarnissamut periarfissiissaaq – issittumilu silaannaap immikkuullarissuutitsinera atorluarneqarsinnaalersitsissaaq. Matumani silaannaap allanngoriartupiloornerata uumasut kinguaassiornerannut aalisarnermullu sunniutai isiginiarneqassapput, aalisarnerummi uumasoqatigiiaanut sunniutaat sivisuumik atuussinnaapput. Tamannalu aalisarnermi atortorissaarusersornermut aqutsinermullu unammilligassaqartitsivoq.

Ilinniagaq issittumiinnaq atugassatut tulluussaanngilaq, nunarsuarli tamakkerlugu atorneqarsinnaavoq. Ilinniakkami inuussutissarsiutigalugu nungusaataanngitsumik aalisakkerinerup qulakkeernissaa ineriartortinneqarnissaalu sammineqassapput, inuiaqatigiit, aningaasaqarneq avatangiiserlu eqqarsaatigalugit.

Ilinniagaq pillugu video naatsuliaq uani takuuk.

Suut ilikkassavigit?

Aalisarnermi atortorissaarusersornerit pillugu ilinniarninni aalisarnermut qalerualinniarnermullu suliarinninnermullu ingerlatseriaatsini tamani ilisimasaqarnerulissaatit. Tassa imaappoq uumassusilinnik tunisassiorneq, nerisassiassanik piniarneq aqutsinerlu pillugit suliat tamaasa.
Imaani uumasut allanngorarneri, imaani ummassusilerineq, nunarsuami immat kiisalu ingenøritut tunngaviusumik atuartitsinerit (matematik allallu) ilinniakkami pingaarnertut atuartitsissutigineqartut pingasuupput:

  • Pisanut atortorissaarusersorneq
  • Aalisarnermik aqutsineq
  • Aalisakkat qaleruallillu (Seafood) suliarineqarnerat

Taakku saniisigut ilinniakkami sammineqassapput nutaaliorneq suliffeqarfiuteqarnerlu, taamaammat inuussutissarsiummik ineriartortitsineq sammineqassaattaaq. Ilinniarnerup ingerlanerani tamarmi piujuartitsineq sammineqassaaq.

Ilinniakkap ingerlarnga

Semesterini siullerni pingasuni Sisimiuni, qaasuitsup killeqarfiata avannaani 50 km-inik ungasitsigisumi, nunatta illoqarfiisa annersaata tulliani Arctic DTU Sisimiut-mi ilinniassaatit. Matumani najukkami ilisimasallit DTU-miillu ilisimatuut peqatigalugit nunatta pinngortitaata unammillernartuani sulineq pillugu ilinniartinneqassaatit.

Ilinniagaq DTU-mi Lyngbymi Ballerupimilu piumasaqaataasumik ingerlaqqissaaq, kingorna suliffimmik misiliineq, pikkorissarnerit nammineq toqqagassat kiisalu Danmarkimi, Kalaallit Nunaanni nunamiluunniit allami inaarutaasumik allaaserisassaq. Taanna tassaavoq ilinniarnerup naammassinera, illit nammineq aalajangissavat ingernøritut ilinniakkat sumut tunngassanersoq.

Piumasaqaatit qinnuteqarnerlu

Akuerisaanissamut piumasaqaataavoq ukiuni pingasuni ilinniarnertuunngorniarfimmi soraarummeersimaneq (GUX) kiisalu akuerisaanissamut piumasaqaatit aalajangersimasut:

  • Matematik A
  • Fysik B imaluunniit Geovidenskab A
  • Tuluttut B

Imaluunniit inuussutissarsiutinut ilinniagaqarsimagaanni taassumalu kingorna Danmarkimi Sisimiuniluunniit KTI-mi pikkorissarsimagaanni https://www.kti.gl/kl/ilinniarfissat/Ilinniarnertuunngorniarfik/ilinniarnertuunngoreersamanermi-saniatigut-kursus

Paasisaqarnerorusukkuit DTU-p nittartagaa alakkarsinnaavat

Ilinniakkamut ugguuna qinnuteqarit www.optagelse.dk

Akuerineqarnissamut periuseq uani nassuiarneqarpoq: https://www.dtu.dk/Uddannelse/Diplomingenior/Ansoegning-og-optagelse

Siunissami periarfissat

Ilinniagaq naammassigukku Kalaallit Nunaanni Danmarkimi nunanilu allani aalisarnikkut inuussutissarsiorfinni suliffissaqarluassaatit. Kiisalu suliffissarsiorfigineqarsinnaapput allat assersuutigalugu suliffeqarfiit siunnersuisartut imaluunniit aalisarnermi ilisimatusartut aqutsisulluunniit.