BA Aningaasaqarneq aamma pigisanik nalilinnik aqutsineq

Suliffeqarfiup aningaasatigut ingerlanera ilisimaarilluarlugu, pigisallu nalillit pitsaanerpaamik atorneqarneri qulakkeerlugit, suliffeqarfiup sulisuinut pingaarnernut ilaarusuppit?

Ilinniakkap normua: 804628


Piviusut:

  • Sivisussusia: Ukiut 2½ 
  • Akuerisaanissamut piumasaqaatit: AU angusiffigalugu. Ilinniagarluunniit naleqquttoq piukkunnaateqartunik 60-inik  ECTS point-ilik.

  • Kingusinnerpaamik qinnuteqarfissaq: 20. december 2019
  • Aningaasaqarneq: Iliinniarnersiutit
  • Ilinniarfik: Niuernermik Ilinniarfik, Nuuk
  • linniartitsinermi oqaatsit: Qallunaat tuluillu oqaasii
  • Paasissutissat: ninuuk.net

Ilinniakkap suliffeqarfinni aningaasanik aqutsinermi, nioqqutissanik tunisinermi, naatsorsuinermi, inuussutissarsiornermut inatsisini, ingerlatsinermi aningaasaqarneq, pilersaarutinik aqutsinermi, suleqatigiissinnaanermi, suliffeqarfiit aaqqissuussaanerini siammasissumik ilisimasassannik tunissavaatit, kiisalu naatsorsuinermi atuagarsornikkut suliassartaasa paasiniarnissaanut misissornissaanullu sakkussannittaaq tunissallutit.

Aningaasanik Aqutsinermi aammalu Allaffissornermi bachelorinngorniarnerni naatsorsuineq aningaasanillu aqutsinerup suliarineqarnissaa eqaatsumik ilinniarfigissavat, kiisalu inuit akornanni aqutseriaaseq paasisaqarfigissallugu. Taassuma saniatigut fagit aalajangersimasut iluanni nammineq faginik toqqaallutit ilinniakkap nalimmassarsinnaanissaa periarfissaavoq.

Ilinniarnerit nammineerlutit nalimmassarsinnaavat soqutigisatit fag-it qinigassaasut malillugit.

Ilinniagaq AU-mi ilinniakkannut nangitsilluni ilinniagaavoq, ukiunillu 2½-nik semester-inillu tallimanik sivisussuseqarluni.

Ilinniarfik ulloq siulliussaaq februaarip tallimaat 2020 og ilinniarfiullu naggataa  juunimi 2022.

Ukiut affai siulliit pingasut aallaqqaasiutitut Nuummi ingerlanneqassapput.
Ukiup affaata sisamassaat nunani allani ingerlanneqarnissaa innersuussutigineqarpoq. Tamanut ukiup affaa nunanut allanut atoriartorfiusussaq periarfissaanngippat Nuummi ingerlanneqarsinnaavoq, pinngitsuugassaanngitsumilli paasisassarsiorluni angalaqataassalluni. Ukiup affaa nunani allani atuarfiusussaq pingaarnertut tuluttut ingerlanneqassaaq. Ukiup affaasa tallimaat suliffimmi misiliinermik aammalu bacheloritut suliamik inaarinninniarnermik avinneqassaaq.

Ilinnialernissamut piumasaqaatit aamma qinnuteqarneq

AU aningaasaqarneq aamma pigisanik nalilinnik aqutsineq naggataarutaasumik misilitsiffigisimanissaa angusiffigalugu.

AU Nunani tamalaani niuerneq aamma niuernermi tuniniaaneq naggataarutaasumik misilitsiffigisimanissaa angusiffigalugu.

Ilinniagarluunniit naleqquttoq piukkunnaateqartunik 60-inik  ECTS point-ilik.

AU aningaasaqarneq aamma pigisanik nalilinnik aqutsineq praktikernertalik angusiffigisimagukku qinnuteqaatit uppernarsaatit ilanngullugit nassiussinnavatit uunnga ninuuk@ninuuk.gl

Allamik ilinniagaqarsimaguit skema immersoriarlugu ilanngunneqassaaq

Kompetence skema

Kingusinnerpaamik qinnuteqarfissaq 20. december 2019

Ilinnialernissat qinnutigiuk una aqqutigalugu www.sullissivik.gl

Siunissami periarfissat

Controlleritut atorfeqarneq, missingersuusiortartoq, aammalu namminersorluni siunnersuisarneq. Taamaattumik ilinniagarsimaguit suliffeqarfinni Kalaallit Nunaanniittuni aammalu nunani tamalaani assigiinngitsorpassuarni sulisinnaavutit.

Aningaasaqarneq

Ilinniarninni ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Niuernermik Ilinniarfik, Nuuk

Tlf.: +299 32 30 99

E-mail: ninuuk@ninuuk.gl