Bruxelles-imi sungiusarluni sulineq

EU soqutigiguviuk, Bruxelles-imilu Nunatta Sinniisoqarfiani sulineq misilikkusuppiuk?

Bruxelles-imilu Nunatta Sinniisoqarfiani sungiusarlutit suliguit siunissami suliffissannut naapertuutttunik misilittagaqalissaatit.

Piffissaq sungiusarluni suliffik

Bruxelles-imilu Nunatta Sinniisoqarfiani sungiusarluni sulinissaq ukiumut marloriarluni qinnuteqaatigineqarsinnaavoq:

  • september - 31. januar.
  • februar - 31. juli.

Sinniisoqarfimmi inissisimaneq

Sungiusarluni sulisoq sinniisoqarfiup allaffeqarfiani inissinneqassaaq, ilitsersortinilu ikiortassallugu paasissutissanik ujarlernermik suliarinninnermillu, taanna ilagfisassallugu OLT-mut tunngasut pillugit ataatsimiigiarnerani, Kommissionimi, Parlamentimi EU-lluunniit ataani suliffinni allani, imaqarniliortassalluni, tigussaasunik suliaqarluni il.il.

Sungiusarlutit sulinerpit nalaani suliassaqarfiit naammattoorsinnaasatit

Sinniisoqarfimmi sulisorineqarput:

  • Ministerimut siunnersorti
  • Aallartitaqarfimmi allatsi
  • Allatsi aamma
  • Sungiusarluni sulisoq

Sinniisoqarfiup suliassaraa EU-mi Kalaallit Nunaata soqutiugisaasa aallutarinissaat, tamatumalu kingunerisaanik EU-mi suliffeqarfiit ingerlaavartumik attavigineqartarput (Kommissioni, Parlamenti, Rådet.).

Kalaallit Nunaat EU-mut ilaasortaanngilaq, kisiannili OLT (Nunat Nunasiaataasimasut Kattuffiat) aqqutigalugu EU-mut attaveqarluni. Tassani akuttunngitsumik ataatsimiittoqartarpoq, illillu suliassavit ilagissavaat ataatsimiinnernut peqataanissaq. Kalaallit Nunaata OLT-mi avatangiisit niuernerlu pillugit ataatsimiititaliat suleqatigiissitallu arlallit peqataaffigisarpai.

Kalaallit Nunaata EU-llu akornanni isumaqatigiissutit piviusunngortinniarneranni nakkutilliinermik ataqatigiissaarineq Kalaallit Nunaata isumagisarivaa. Ilimagisaavoq sungiusarluni sulisoq suliamut tamatumunnga ilitsersortini peqatigalugu peqataassasoq.

Tamakku saniatigut suliassat ilagivaat tusagassiutit aqqutigalugit, internetti aqqutigalugu aamma EU-Parlamentimi ataatsimiititaliat ataatsimiinnerinut peqataanerit, paasissutissanik naapertuuttunik katersineq sulisut allat peqatigalugit.

Siunertaq ilimagisallu

Sungiusarluni sulinerup siunertaa

Pineqarpoq ilinniarnermi sungiusarluni sulineq. Sungiusarluni sulineq ilinniartup ilinniarneranut tapertaassaaq, imalu aaqqissuunneqassalluni - ilinniarfiup akuerisinnaappagu - piffissamik sivikillisaanneqarnissaq qularnaarneqarluni. 

Sungiusarluni sulisumit ilimagisat:

  • Inuiaqatigiinnik ilisimatusarnermi ingerlaqqiffiusumik ilinniarrneq, soorlu ukunannga: l cand.jur., cand.merc.jur assigisaanilluunniit.
  • Kalaallit Nunaata nunanut allanut politikkikut attaveqaataannik soqutigisaqarneq
  • Oqaasiliorluarsinnaassuseqarneq
  • Tuluttut oqalussinnaallunilu allassinnaaneq
  • Franskisut pisinnaasaqarneq iluaqutaassaaq, piumasaananili
  • Sulerusussuseqarneq nammineersinnaassuseqarnerlu
  • Aammasuuneq suleqatigiinnissinnaassuseqarnerlu
  • MS Office-mik atuisutut ilisimasaqarneq

Sungiusarluni sulinermi atugassarititat

Pineqarpoq akissarsiaqarani sungiusarluni sulineq. Taamaattoq sungiusarluni sulisoq najukkami aningaasartuutiminut tapiiffigineqartassaaq qaammammut 380 Euro-nik.

Sapaatip-akunnerinut tiimit suliffiit 37-upput.

Aatsaat sulilertoqarsinnaavoq Nunanut Allanut Ministeeriaqarfiup isumannaallisaaneermut atatillugu sungiusarluni sulisussaq akuerippagu.

Tunngaviatigut sungiusarluni sulisussap nammineerluni inissarsiornissani isumagissavaa. Sinniisoqarfik attavissarsiornermi, telefonit normuinik il.il. ikiuussinnaavoq.

EU-mi Kalaallit Nunaata Sinniisoqarfianut tunngasut aamma sungiusarluni sulisussarsiornerit takusinnaavatit uani: Naalakkersuisut.gl.

Qinnuteqarneq

Qinnuteqarfissap killinga 

  • apriili - septembarip aallaqqaataani sungiusalersussanut
  • novembari - februaarip aallaqqaataani sunguisalersussanut

Qinnuteqaat uunga nassiunneqassaaq

Greenland Representation 
Rue d Arlon 73 
B-1040 Bruxelles 
Emailkkut: mopa@nanoq.gl imaluunniit faxikkut: +32 22330966

Paasissutissat annertunerusut

Una attavigineqarsinnaavoq: 
Aallartitaqarfimmi allatsi: Monika Paulli Andersen
Tlf. +32 22 33 09 60 
e-mail: mopa@nanoq.gl