Ingerlaqqiffiusumik ilinniakkat sivisunerusut

Ingerlaqqiffiusumik ilinniakkat sivisunerusut agguarneqartarput bacheloritut iliniakkanut aamma kandidatitut ilinniakkanut.

Taakku ataatsimut ilisarnaqutigaat annermik tassaagamik teoretiskimik iliniarnerit, ilisimatuutut misissueqqissaarlunilu suliariaaseqarfiusut. Ilinniakkat suliamut tunngatillugu siammasissumik ilisimasaqarfiulersitsillutillu immikkut itisuumik paasisaqartitsilersarput.

Bachelor sunaana?

Bacheloritut ilinniagaq nalinginnaasumik ukiuni 3-3½-ini sivisussuseqartarpoq, sammisassaq aalajangersimasoq sammivigisarlugu, soorlu inuiaqatigiinnik ilisimatusarneq, oqaatsit il.il.

Bacheloritut ilinniakkami ilisimatusakkavit iluani siamasissumik ilinniartinneqassaatit. Amerlanertigut bachelorinngorneq nangillugu kandidatitut ilinniarneq ingerlaqqiffigineqartarpoq.

Ilinniakkat ilaanni sungiusarluni sulinissaq ilaavoq, kisianni amerlanertigut illit nammineq sungiusarluni sulinissaq immikkut toqqassavat.

Kandidat sunaana?

Kandiatitut ilinniagaq bacheloritut ilinniarnerup nanginnerivaa, sammisap iluani immikkut ilinniagaqarnissaq periarfissaalluni.