Procesteknikeri

Nerisassanik nioqqutissiorneq soqutiaajuk?

Ilinniakkap normua: 341101

Piviusut:

  • Sivisussusaa: Uk. 2
  • Ilinnialernissamut piumasaqaatit: 10. klasse imaluunniit assingusoq 
  • Qinnuteqarfissap killinga: 1. marts
  • Aningaasaqarneq: Ilinniagaqarnersiutit
  • Ilinniarfik: INUILI, Narsaq
  • Paasissutissat: www.inuili.gl

Procesteknikeritut ilinniakkami nerisassanik tunisassiornerit ingerlasarnerat ilisimasaqarfigilissavat. Tunisassiornerup ingerlanera qanoq isumagineqartarnersoq ilinniassavat, tamatumalu nassatarai tunisassiassanik toqqartuineq, pilersaarusiorneq tunisassiornerullu ingerlanissaa naggasiullugulu tunisassiap niuertarfinni nioqqutissatut piareernera.

Procesteknikeritut suleqateqarlutit sulisinnaavutit aammali nammineerlutit ingerlatsinermi immikkoortut ataasiakkaat suliarisinnaallugit.

Ilinniarnerup ingerlanerani assersuutigalugu suliarisassavatit pinngortitami pissuseqatigiinneq (økologi), avatangiisit, uumasunik tunisassiassanik inerisaaneq (bestandudvikling), sensorik, inuussutissalerineq, tunisassianik inerisaaneq, tunisassioriaatsit, nioqqutissat akuisa allagartaat, suliffimmi aningaasaqarneq, suliffimmi avatangiisit, nittarsaassineq, inatsisit, avammut tunisassiornissamut akuersissutit, pitsaassutsimik naliliineq, tunisassiornermi periutsit, nammineerluni nakkutilliinerit, taakkununnga ilanngullugu HACCP.

Nerisassianik nakkutilliinermik immikkut ilinniarusukkuit aammattaaq suliarisassavatit anatomi, nappaatinik ilinniarneq, neqinik nakkutilliineq aamma tunisassioqqaalerfinni nerisassatigut isumannaallisaaneq.

Ilinnialernissamut piumasaqaatit qinnuteqarnerlu

Piumasaqaatit uku arlaat piviusunngortissinnaassavat:

  • Inuussutissalerinerup iluani ilinniagaqarneq imaluunniit inuussutissalerinerup iluani misilittagaqarneq imaluunniit ilinnianertuunngorniarfimmi ilinniarsimaneq. Nalilersuisoqartarpoq. 
  • Inuussutissalerinerup iluani ukiuni arlalinni misilittagaqarneq
  • 10. klasse naammassisimanissaq imaluunniit allamik assingusumik + karakteri E/02 kalaallisut, qallunaatut, tuluttut matematikkimilu angusimanissaa.
  • Nammaginartumik qallunaatut oqalussinnaallunilu allassinnaaneq, ilinniarneq qallunaatut ingerlanneqassammat. 

Piumasaqaatit eqquutissinnaanerlugit nalorniguit Inuili attavigisinnaavat.


Siunissami periarfissat

Makkunani sulilersinnaavutit:

  • Nerisassanik nioqqutissiornermik suliffissuit
  • Pinngortitaleriffik
  • Nerisassanik nakkutilliineq
  • Aalisarnermik nakkutilliineq
  • Aalisakkanik nioqqutissiorneq

Aningaasaqarneq

Ilinniarneq tamaat ilinniagaqarnersiuteqarumallutit qinnuteqarsinnaavutit. Annertunerusumik paasisaqarit uani.

Attavissaq

Inuili
Tlf.: +299 66 13 13
E-mail: Inuili@inuili.com