Aningaasaqarneq aamma pigisanik nalilinnik aqutsineq (økonomi og ressourcestyring (AU))

Suliffeqarfiup aningaasatigut ingerlanera ilisimaarilluarlugu, pigisallu nalillit pitsaanerpaamik atorneqarneri qulakkeerlugit, suliffeqarfiup sulisuinut pingaarnernut ilaarusuppit?

Ilinniakkap normua: 358020

 

Piviusut:

  • Sivisussusaa: uk. 2
  • Ilinnialernissamut piumasaqaatit: GUX + immikkut piumasaqaatit 
  • Qinnuteqarfissap killinga: 1. marts
  • Aningaasaqarneq: Ilinniagaqarnersiat /lærlingitut akissarsiat
  • Ilinniarfik: Niuernermik Ilinniarfik, Nuuk
  • Paasissutissat:ninuuk.net

Qaffasinnerusumik aningaasaqarnermut pigisanillu nalilinnik aqutsinermut ilinniagaqarsimaguit suliffeqarfiup aningaasatigut qanoq ingerlanera malinnaaffigineqassappat, sulisutut pingaarnerit ilaattut inissisinnaavutit.

Paasissavat qaqugukkut ajutoortoqarsinnaaneranut sillimasariaqarnerlutit, aningaasaleriaatsillu suut iluanaarutaasinnaanersut nalilersinnaalissallugit, minnerunngitsumillu missingersuusiorneq aammalu naatsorsuutinik naliliineq ingerlassinnaalissallugit.

Ilinniarnerup ingerlanera

Ilinniarfimmiinnerit sungiusarlunilu sulinerit paarlakaallugit ukiuni 2-ni ilinniarneq.

Qinnuteqarfissap killinga, tassalu 1. juni, kingusinnerpaamik qaammatinik pingasunik qaangertinnagu sungiusarlutit suliffissannik isumaqatigiissuteqareersimassaatit.

Ilinnialernissamut piumasaqaatit aamma qinnuteqarneq

Qaffasinnerusumik ilinniakkami ukiunik marlunnik sivisussusilimmi ilinniartunmngussaguit ilinniarnertuutut soraarummeersimasariaqarputit, inuutissarsiummik naapertuuttumik ilinniagaqarlutit imaluunniit inersimasunut tunngaviusumik ilinniagaqarlutit (GVU).


 

Siunissami periarfissat

Controlleritut atorfeqarneq, missingersuusiortartoq, aammalu namminersorluni siunnersuisarneq. Taamaattumik ilinniagarsimaguit suliffeqarfinni Kalaallit Nunaanniittuni aammalu nunani tamalaani assigiinngitsorpassuarni sulisinnaavutit.

Aningaasaqarneq

Ilinniarfimmiitillutit ilinniagaqarnersiaqarsinnaavutit, sungiusarlutillu sulininni isumaqatigiissutit naapertorlugit lærlingitut akissarsiaqassallutit. Paasissutissat uaniipput.

Attavissaq

Niuernermik Ilinniarfik, Nuuk

Tlf.: +299 32 30 99

E-mail: ninuuk@ninuuk.gl