Nunat tamat akornanni Angallassineq aamma Pilersaarusiorneq

Nunani tamalaani suliffeqarfimmi nalilinnik suliaqarneq aammalu pilersuineq suliarissallugit takorloorsinnaaviuk?

Ilinniakkap normua: 358018

 

Piviusut:

  • Sivisussusaa: uk. 2
  • Ilinnialernissamut piumasaqaatit: GUX + immikkut piumasaqaatit 
  • Qinnuteqarfissap killinga: 1. marts
  • Aningaasaqarneq: Ilinniagaqarnersiat /lærlingitut akissarsiat
  • Ilinniarfik: Niuernermik Ilinniarfik, Nuuk
  • Paasissutissat: ninuuk.net

Pilersaarusiorneq (logistik), kiisalu supply chain management (sullitanut nalilimmik sullissineq, nioqqutissanik, niuernermilu periaatsit akimorlugit aqutsineq) pisiniarnerlu piginnaasaqarfigalugit, Nunat tamalaat akornanni angallassineq aammalu ataqatigiissitsineq qaffasinnerusumik ilinniagaqarfigalugit, suliffeqarfiit nunani tamalaaniittut suliassaataat unamminartut, naleqartitat pilersuinermilu aqutsineq suliarisinnaalissavatit.

Ilinniarnerup nalaani suliffeqarfiup pilersuinerata qanoq isumatuumik pilersaarusiorluakkamillu ilusilersornissaanut piviusunngortinnissaannullu sakkussannik atugassannik tuniorarneqassaatit.

Sammiviit marluk arlaat qinersinnaavatit:

Angallassineq:

Uani paasissavatit pisisoq tunisisorlu angallassinermi qanoq imminnut ataqatigiinnersut, aamma qanoq ililluni pisumi tassani angallassineq pitsaanerpaaq anguneqarsinnaanersoq. Taassuma saniatigut angallassinermi inatsisit suunerinik paasisaqassaatit.

Pisiniarneq:

Tassunga tunngasunik ilisimasassanik assigiinngitsunik tuniorarneqassaatit, pilersaarusiorluakkamik kiisalu pisineq pippat qanoq iliornissamik, kiisalu pisinermi inatsisit suunerinik paasitinneqassallutit.

 

Ilinniarnerup ingerlanera

Ilinniarfimmiinnerit sungiusarlunilu sulinerit paarlakaallugit ukiuni 2-ni ilinniarneq. Qinnuteqarfissap killinga, tassalu 14. juni, kingusinnerpaamik qaammatinik pingasunik qaangertinnagu sungiusarlutit suliffissannik isumaqatigiissuteqareersimassaatit.

Ilinnialernissamut piumasaqaatit aamma qinnuteqarneq

Qaffasinnerusumik ilinniakkami ukiunik marlunnik sivisussusilimmi ilinniartunmngussaguit ilinniarnertuutut soraarummeersimasariaqarputit, inuutissarsiummik naapertuuttumik ilinniagaqarlutit imaluunniit inersimasunut tunngaviusumik ilinniagaqarlutit (GVU).


 

Siunissami periarfissat

Ilinniagaq taanna tunuliaqutaralugu pisiniarnerup, pilersaarusiornerup (logistik) amgallassinerullu aamma misissueqqissaarnikkut siunnersortitullu suliassat iluini aqutsinermik pilersaarusiornermillu suliassat suliarisinnaavatit.

Aningaasaqarneq

Ilinniarfimmiitillutit ilinniagaqarnersiaqarsinnaavutit, sungiusarlutillu sulininni isumaqatigiissutit naapertorlugit lærlingitut akissarsiaqassallutit. Paasissutissat uaniipput.

Attavissaq

Niuernermik Ilinniarfik, Nuuk
Tlf.: +299 32 30 99
E-mail: ninuuk@ninuuk.gl