Inatsisilerinermi sullissisutut ilinniarneq (Den juridiske sagsbehandleruddannelse (JUSA))

Pisortat allaffeqarfianni atorfeqarpit, kisiannili inatsisinut tunngasuni, aningaasaqarnermut aammalu inuiaqatigiinnut tunngasuni piginnaasatit qaffassarusullugit?

Ilinniakkap normua: 804501

Piviusut:

  • Sivisussusaa: ukiuni 2-ni piffissap ilaa ilinniagaq
  • Qinnuteqarfissap killinga: 2021
  • Ilinniarfik: Pisortatut Ilisimatusarfik, Nuuk
  • Paasissutissat: ninuuk.net

JUSA ilinniarneruvoq Kalaallit Nunaanni pissutsit immikkut ittut eqqarsaatigalugit pilersinneqarsimasoq, Pisortani sullissinermi pinngitsoorneqarsinnaanngitsoq.

Ilinniarnerup Pisortat suliffeqarfiini sullissinerup qanoq ingerlasarneranik ilisimaligassannik pissarsitissavaatit.

Ilinniarnerup siunertaraa sullissinerup pitsaassutsimigut qaffasinnerusumik ingerlanneqalernissaa, kiisalu sullissinermi innuttaasut pisinnaatitaaffiisa annerusumik qulakkeerneqarnissaat.

Ilinniarnerup ingerlanera

JUSA ukiuni 2-ni piffissap ilaa ilinniarneruvoq, sapaatip-akunnerini marlunni-pingasuni tallimariarluni kiisalu sapaatip-akunnerini 14-ini ilinniarfimmiittarnertut aaqqissuussaq.

Ilinniarfimmiinnerit akornanni allalluni suliassat, aalajangersimasumik qulequtsiilluni allanneq nammineerlunilu ilisimatusarneq ingerlanneqassapput – ilinniarfimmiinnissap tullianut piareersarnissaq siunertaralugu.

Ilinnialernissamut piumasaqaatit aamma qinnuteqarneq

Ilinniartunngorniaraani piumasarineqarpoq Pisortat suliffeqarfiutaasa arlaanni inuutissarsiornermut atatillugu naleqquttumik iliniagaqarsimanissaq.

Taassuma saniatigut qinnuteqartoq sivikinnerpaamik ukiuni marlunni suliffeqarfimmi sulisimanermik misilittagaqassaaq imaluunniit ilinniarnissamut akuerineqarsinnaasumik ilinniagaqarsimassalluni.


Siunissami periarfissat

Ilinniareernerup kingorna allakkat inatsisitigut qanoq paasisariaqarnersut annertunerusumik paasisaqarfiginerulissavatit, suliassallu assigiinngitsut suliarisinnaanerulissallugit.

Aamma Pisortat ingerlatsineranni inatsisilerineq, qanoq aamma sooq taama ittuunersut paasisimanerulissavatit, aammalu innuttaasut atugaasa sullissinermi inatsisitigut qanoq qulakkeerneqarsimanerat ilisimanerulissallugu.

Aningaasaqarneq

Ilinniagaq ilinniagaqarnersiuteqarfiusinnaanngilaq, aamma AMA-mit tapiiffigitittoqarsinnaanngilaq. 

Peqataaniaraanni pikkorissarnermut akiliuteqartoqartanngilaq. 

Atuakjkat ilinniarnermi atugassatit nammineq akilissavatit.

Attavissaq

Niuernermik Ilinniarfik, Nuuk

Tlf.: +299 32 30 99

E-mail: ninuuk@ninuuk.gl