Issittumi takornarissanik angallasisartoq

Nunatsinni takornariaqarluarnerata nalaani Issittumi takornarissanik angallasisartutut nunaniluunniit allani takornarissanik angallassisartutut sulinissaq soqutigaajuk?

Ilinniakkap normua: 580051

 

Piviusut:

  • Sivisussusaa:ukiup affaa
  • Ilinnialernissamut piumasaqaatit: GUX + immikkut piumasaqaatit 
  • Qinnuteqarfissap killinga: 1. dec. 2020 aallartilluni 7/1-2021
  • Aningaasaqarneq: Ilinniagaqarnersiat
  • Ilinniarfik: Campus Kujalleq, Qaqortoq
  • Paasissutissat: www.cak.gl

Ilinniakkami ilaatigut sammissavatit oqaatsit, takornariaqarneq angalallunilu inuuneq, aamma takornariaqartitsinerup iluani isumassarsiat nutaanerpaat paasisaqarfigissavatit.

Qitiutinneqarputtaaq nungusaataanngitsumik ingerlatsineq, sullissineq aamma Nunatta oqaluttuassartaa, kulturia, nunap sananeqaatai pinngortitarlu.

Skemat malillugit ilinniartitsinerup saniatigut aammattaaq sammisassavatit aalajangersimasumik qulequtsiilluni suliat, allalluni suliassat aamma sungiusaatit assigiinngitsut nammineerlunilu ilinniagassat.

Ilinniagaq majimi naammassisarmat, takornariuaqaleruttorfiata nalaani sulillernissamut piariissaatit.

Ilinnialernissamut piumasaqaatit aamma qinnuteqarneq

Ilinnialernissamut immikkoortulluunniit ataasiakkaat peqataaffiginissaannut apeqqutaavoq qinnuteqartoq naapertuuttumik ilinnialissutaasinnaasumik ilinniagaqarnersoq, minnerpaamik ukununnga nallersuussinnaasumik:

  • Ilinniarnertuutut soraarummeersimaneq (GU, GUX, HHX, HTX, Stx, assigisaaluunniit);
  • Naapertuuttimik inersimasutut ilinniagaqarsimaneq (VVU), Nunatsinni: NI-2;
  • Sivikitsumik ingerlaqqiffiusumik ilinniagaqarneq (KVU) – Serviceøkonomitut ilinniarsimaneq;
  • Tunngaviusumik ilinniagaqarsimanissaq, soorlu TNI, allamilluunniit tuluttut qaffasissuseq C angusimagaanni.
  • Arktisk Guide naammassillugu ingerlassimagaanni.

Ilinniarfiup aammattaaq akuerisinnaavai qinnuteqartut naapertuuttumik ilinnialissutaasinnaasumik iliinniagaqanngikkaluartut, kisiannili piginnaanerisa erseqqissumik naliliiffiginerisigut ilinniialernissamut piginnaasaqartutut assingusumilluunniit piginnaaneqartutut nalilerneqartut. Taamaattoq ilinnialissaguit piumasaavoq tuluit oqaasii killiffik C-p nalinganik piginnaaneqarfigissagitit.

Ilimagisaavoq ilinniartut tuluttut allatat Den Europæiske Sprogportfolio malillugu minnerpaamik killiffik B2-miittut atuarsinnaassagaat. Oqaatsitigut suliamut atatillugu piginnaasassat angunissaat sallerpaatillugu illit nammineq akisussaaffigivat, ilinniarnerullu ingerlanerani taamaallaat killilimmik sungiusarneqassaatit.

Ilinniartut pisortatigoortumik Ilinnialernissamut piumasaqaatinik angusisimanngitsut ilinnialernissamut misilitseqqaassapput killiffimmi B2-mi tuluit oqaasiinik piginnaaneqarnerat qularnaarumallugu.


 

Siunissami periarfissat

Takornariaqartitsisarnerup iluani Issittumi takornarissanik angallasisartutut sulilersinnaavutit.

Aningaasaqarneq

Ilinniarneq tamaat ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Campus Kujalleq
Tlf.: +299 64 23 99
E-mail: cak@cak.gl