Adventure guide

Takornariaqartitsineq soqutigiviuk aamma isumannaalisaaneq, ilisimasaqarneq, ingerlatsitseqqinneq sullissinerlu qitiutillugit misigisaqartitseqataarusuppit?

Ilinniakkap normua: 295054

 

Piviusut:

  • Sivisussusaa: ukiup affaata miss. Ilinnialernissamut piumasaqaatit: GUX + immikkut piumasaqaatit 
  • Qinnuteqarfissap killinga: 1.marts
  • Aningaasaqarneq: Ilinniagaqarnersiat
  • Ilinniarfik: Campus Kujalleq, Qaqortoq
  • Paasissutissat: www.cak.gl

Ilinniakkami ilaatigut sammisassavatit pinngortitaq, kulturimut tungasut, takornarissanik angallasseriaatsit, asimi ikiueqqaarneq (Wilderness First Responder), sermimi angalaneq, tuluit oqaasii aamma kulturimik paasinninneq.

Ilinniartitsineq ingerlanneqassaaq holdikkaarluni ilinniartitsinerit, oqalugiarnerit, suleqatigiiaarnerit sullivinnilu sungiusarnerit akuleriisillugit. Ilinniartitsinerup 20 %-iata missaa Imarsiornermik Ilinniarfik suleqatigalugu ingerlanneqassaaq, angallatit annerpaamik 12-nik ilaasoqarsinnaasut ingerlannissaannut Piukkunassutsimut Uppernarsaatitaarnissaq siunertaralugu ilinniartitsinerussalluni.

Qitiutinneqarpoq angallassisartutut ilinniarsimasup takornarissanik (amerlanerpaamik 12-t) kulturinit assigiinngitsuneersunik ulluni-unnuanilu arlalinni angallassisinnaanissaa.

Ilinniarnerup ingerlanera     

Ilinniarneq ukiup affaata missaanik sivisussuseqarpoq augustimi aallartilluni decemberimi naammassisarluni. Skemat malillugit ilinniarnerup saniatigut tigussaasunik pinngortitamilu sungiusarneqartassaatit. Iliniarnermi qammatit siulliit marluk Avannaani pisarput kingulliillu Kujataani.

Ilinnialernissamut piumasaqaatit aamma qinnuteqarneq

Adventure Guide-titut ilinnialernissamut immikkoortulluunniit ataasiakkaat peqataaffiginissaannut apeqqutaavoq qinnuteqartoq naapertuuttumik ilinnialissutaasinnaasumik ilinniagaqarnersoq, minnerpaamik ukununnga nallersuussinnaasumik:

  • Ilinniarnertuutut soraarummeersimaneq (GU, GUX, HHX, HTX, Stx, assigisaaluunniit);
  • Naapertuuttimik inersimasutut ilinniagaqarsimaneq (VVU), Nunatsinni: NI-2;
  • Sivikitsumik ingerlaqqiffiusumik ilinniagaqarneq (KVU) – Serviceøkonomitut ilinniarsimaneq;
  • Inuutissarsiummik ilinniarsimaneq, soorlu TNI, tuluit oqaasiini killiffik C-p nalinga ilinniagarisimallugu.
  • Qinnuteqartut Issittumi takornarissanik angallasisartutut ilinniarlutik naammassisimasut

Ilinniarfiup aammattaaq akuerisinnaavai qinnuteqartut naapertuuttumik ilinnialissutaasinnaasumik iliinniagaqanngikkaluartut, kisiannili piginnaanerisa erseqqissumik naliliiffiginerisigut ilinniialernissamut piginnaasaqartutut assingusumilluunniit oiginnaaneqartutut nalilerneqartut.

Ilinniagaq timikkut tarmnikkullu piumasaqaateqarfiuvoq, taamaammat timikkut tarnikkullu innarluutillit ilinniartunngortinneqarsinnaanngillat.

Ilinnialissagaanni minnerpaamik tuluit oqaasii killiffik C-mi ilinniarsimasariaqarput. Ilimagisaavoq ilinniartut tuluttut allatat Den Europæiske Sprogportfolio malillugu minnerpaamik killiffik B2-miittut atuarsinnaassagaat. Ilinniartut pisortatigoortumik Ilinnialernissamut piumasaqaatinik angusisimanngitsut ilinnialernissamut misilitseqqaassapput killiffimmi B2-mi tuluit oqaasiinik piginnaaneqarnerat qularnaarumallugu.

  •  

Siunissami periarfissat

Takornariaqartitsinerup iluani adventure guide-titut sulilersinnaavutit.

Aningaasaqarneq

Ilinniarneq tamaat ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Campus Kujalleq
Tlf.: +299 64 23 99
E-mail: cak@cak.gl