Administrationsøkonom

Aalajangiisarnerit qanillugit sulinissaq nuannaaraajuk aamma aalajangiinissap tungaanut sulianik sunneeqataarusuppit?

Ilinniakkap normua: 358021

 

Piviusut:

  • Sivisussusaa: uk. 3 piffissap ilaa ilinniarneq
  • Ilinnialernissamut piumasaqaatit: GUX + piumasaqaatit immikkut ittut 
  • Qinnuteqarfissap killinga: 15. januar2020
  • Aningaasaqarneq: Ilinniagaqarnersiat
  • Ilinniarfik: Niuernermik Ilinniarfik, Nuuk
  • Paasissutissat: ninuuk.net 

Administrationsøkonomitut ilinniagaq piffissap ilaani ilinniarneruvoq. Ingerlatsinermi suliat assigiinngitsut pillugit annertuumik ilisimasaqalerlutillu itisuumik paasisaqassaatit.

Sulianik ilersulersuinermik, pilersaarusiornermik aamma aporfinnik qaangiiniarnermik suliaqarnissap kajungerinissaa iluaqutaassaaq. Illuatungaatigut ilinniagaqassaatit atorfinni assigiinngitsorpassuarni sulilissutigisinnaasannik.

Ilinnialernissamut piumasaqaatit aamma qinnuteqarneq

Administrationsøkonomitut ilinnialernisasamut piumasaqaataapput qinnuteqartoq:

  • ilinniarnertuutut imaluunniit inuutissarsiummik naapertuuttumik allamik ilinniagaqarsimassasoq
  • ilinniarnerup aallartinnerani suliffeqassasoq
  • ilinnialissutaasinnaasumik ilinniakkap naammassinerata kingorna minnerpaamik ukiuni marlunni naapertuuttumik inuutissarsiummik misilittagaqassasoq imaluunniit ilinnialissutaasinnaasumik ilinniakkap ilinniarnerata ilutigisaanik inuutssarsiummik misilittagaqalersimassasoq.

Naapertuuttumik inuutissarsiummik ilinniagaqarsimasunut piumasaqaatit immikkut ittut tassaapput tuluit oqaasii (C) aamma og inuutissarsiornermi aningaasaqarneq (C) imaluunniit matematik (C). 


 

Siunissami periarfissat

Ilinniarnerup naammassinerata kingorna sulianik suliaqarnerit, suliniutinik aqutsinermik imaluunniit sulisoqarnermi suliassat (HR) suliarinissaannut piariissaatit – pisortaqarfinni namminersortunilu. Imaasinnaavoq saaffiginnittunut siunnersortitut imaluunniit sulianik suliaqartutut (sagsbehandler).

Aningaasaqarneq

Ilinniarneq tamaat ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Niuernermik Ilinniarfik, Nuuk
Tlf.: +299 32 30 99
E-mail: ninuuk@ninuuk.gl