Sivikitsumik Ingerlaqqiffiusumik ilinniakkat

Sivikitsumik ingerlaqqiffiusumik ilinniagaq sunaava?

Sivikitsumik ingerlaqqiffiusumik ilinniagaq ukiut 2-3 sivisussuseqarpoq, tassanilu ilinniarfimmiinnerit sungiusarlunilu sulinerit paarlakaanneqartarput. Ilinniartitsinermi teoretiskimik ilisimasat assassorissatigullu unamminartut akuleriisinneqartarput.

Ilinniartunngussagaanni tunngaviatigut piumasaagajuppoq ilinniarnertuutut soraarummeersimanissaq, kisianni naapertuuttumik inuutissarsiummik ilinniagaqaruit aamma ilinniartunngorsinnaavutit. Taamaammat pingaartuuvoq sivikitsumik ingerlaqqiffiusumik ilinniakkani qinnuteqarfigerusutanni ataasiakkaani Ilinnialernissamut piumasaqaatit misissorluarnissaat.

Nunatsinni sivikitsumik ingerlaqqiffiusumik ilinniakkat ilaannut ilisarnaataavoq tassaagamik akademiuddannelsinik taaneqartartut.

Akademiuddannelse (AU) sunaavca?

Akademiuddannelse tassaavoq sivikitsumik ingerlaqqiffiusumik ilinniagaq ukiuni 2-4-ni sivisussusilik, inuutissarsiuteqarfimmilu aalajangersimasumi tamattigoortunik suliaqarnissannik piareersaasoq.

Akademiuddannelse naammassigukku 120 ECTS pointit pissarsiarissavatit.