Akiliunneqarluni angalanerit

Ilinniartutut illioqarfimmut angerlarsimaffigisavit illoqarfiullu ilinniartuuffigisavit akornanni angalanerit akiliutsinnaannut pisinnaatitaaffeqarputit.

Angalanerilli akilerneqartarnissaannut piumasaqaatit arlaliupput: 

  • Ilinniagarsiuteqarsinnaanermut akuerineqarsimassaatit
  • Ilinniarneq minnerpaamik qaammatinik 10-nik sivisussuseqassaaq
  • Pisortanik ikiorsiissutinik allanik pisartagaqassanngilatit

Piumasaqaatit makkua naammassisimagukkit angalanitit ukununnga attuumassutillit akiliutsissinnaavatit:

  • Ilinniarnerup aallartinneranut
  • Ilinniarnerup unitsinnerani imaluunniit ilinniarnerup unitsikkallarnerani
  • Sulinngiffeqarnerni
  • Suliunnaarallarnerni ernereerlunilu sulinngiffeqarnerni
  • Ilinniakkamut attuumassutilimmik angalanernut
  • Ilinniakkamik maammassinninnermi
  • Ilaquttanik qanigisanik napparsimasoqartillugu toqusoqartilluguluunniit:

- Namminerisamik meeqqat, nuliaasoq/uiusoq, angajoqqaat, aanaakkut/ aataakkut
- Aappariit inersimasutut nammineersinnaassuseqarlutik ukioq ataaseq sinnerlugu inooqatigiissimanerminnik uppernarsaasinnaasut aapparittut naatsorsuutigineqassapput.

Qinnuteqarluni immersugassaq uani aasinnaavat

Ilinniarnerup aallartinnerani angalaneq

ilinniarfimmi ilinniartutut tiguneqarsimaguit, ilinniarfillu illoqarfiginngisanni inissisimappat ilinniarfissannut angalanerit akiliunneqarsinnaavoq.

Ilinniarnerup aallartinnerani angalanissamut akiliunneqarnissaq naliginnaasumik ilianniagarsiuteqalernissamik qinnuteqarluni immersugassani qinnuteqassaatit, uani tigussavat

Danmarkimi nunanilu allani ilinnialissaguit:

Allakkat akuerineqarnermut uppernarsaatit Kalaallit Illuutaanniik pissavat, kingornalu Kalaallit Illutaanni aqqutissuisoq ilinniariartorfissamut angalanissamut biletsi pillugu attaveqarfigissavat.

Qangalanermik akiliussinissaq illinnuinnaq tunngassuteqarpoq. Ataasiakkaanilu meeqqavit, katissimallugu aapparisavit/aappavit meerai, inooqatigigukkit, ilanngullugit akiliunnersinnaasarput.

Paasisaqarnerujumallutit Kalaallit Illuutaat attaveqarfigiuk.

Efterskolini atuartut angerlarnissaannut akiliussisarneq 

Qinnuteqarluni immersugassaq uani tigussavat