Merx 1 aamma Merx 2

Piviusut:

  • Sivisussusaa: Ukiup affaa
  • Piumasaqaatit: GUX + piumasaqaatit immikkut ittut  
  • Qinnuteqarfissaq: 15. november 2019
  • Aningaasaqarneq: Ilinniagaqarnersiat
  • Ilinniarfik: Niuernermik Ilinniarfik, Nuuk
  • Paasissutissat: ninuuk.net 

Ilinniarnertuutut soraarummeereeruit, niuernermut soqutigisaqaruit MERX I periarfissatsialaavoq.  

Ilinnut soqutigisalimmut suliffeqarfiit, peqatigiiffit, pisiniarfiit, niuerneq aammalu inuttaai.

Ilinnut Kalaallit Nunaata siunissaanut allanngueqataarusuttoq. TNI naammassisimagukku imaluunniit MERX I ingerlakkukku MERX II-mut qinnuteqarsinnaavutit.

Ilinnialernissamut piumasaqaatit aamma qinnuteqarneq

Ilinniakkat marlunnik soraarummeernermik misilitsiffiupput (MERX I aamma II) ilinniakkanut ingerlaqqiffiusunut niuernerup iluani periarfissiillutik imaluunniit TNI-mut (sk6) immaqaluunniit (sk7).

MERX I-mut piumasaqaataapput GUX naammassineqarsimassasoq , Matematik C, Samfundsfag C, Dansk A aammalu Engelsk C, tassani fag-ini tamani karakteri E (02)-iussalluni.

Ilinniartut MERX I-mik naammassinnissimasut periarfissaqarput ilinniakkamut TNI-mut allaffissornermut niuernermulluunniit ingerlaqqinnissaminnut (sk6 aammalu sk7).  

MERX II-mut ingerlaqqissagaanni MERX I-mi tunngaviusumik fag-it agguaqatigiissillugit angusiffiusimassapput minnerpaamik D (4) Inuussutissarsiornermik aningaasaqarneq C, Tuniniaanermi kiffartuussinermilu C, Paasissutissiinermut teknikki C, Pilersitsisumik ineriartortitsinermi C.

Killigitinneqartut angusimanngikkaanni TNI allaffissornerup imaluunniit niuernerup iluani naammassisimagaanni immikkut qinnuteqaasiortoqarsinnaavoq MERX II-mut (immikkut qinnuteqarnissamut immikkoortoq takujuk).

Pisortaniit piumasaqaatigineqarpoq MerX-imut tigutissagaanni GUX-imik naammassinnissimanissaq. Ilinniagaqarnersiutit pillugit Namminersorlutik Oqartussat nalunaarutaanni nr. 9, 19. juli 2017-imeersumi § 16. Imm. 3 naapertorlugu IKTIN MerX'imut ilinniartunut nalinginnaasumik immikkut akuersissuteqarput, taamaaliornikkut MerX'imut ilinniartut taakku ilinniagaqarnersiutisisinnaanngorlugit.

Siunissami periarfissat

Ilinniartut MERX I-mik naammassinnissimasut, periarfissaqarput ilinniakkamut TNI-mi allaffissornermut niuernermulluunniit ingerlaqqinnissaminnut (sk6 aammalu sk7). 

Ilinniareeruit periarfissaqarputit Akademiuddannelse/qaffasinnerusumik ilinniaqqinnissat, aningaasaqarnermi imaluunniit allaffissornerup iluani sulilissallutit.

Aningaasaqarneq

Ilinniarneq tamaat ilinniagaqarnersiaqarnissat qinnutigisinnaavat. Paasissutissat uaniipput.

Attavissaq

Niuernermik Ilinniarfik, Nuuk
Tlf.: +299 32 30 99
E-mail: ninuuk@ninuuk.gl