Ilinniagaqarnissamut aqqutissiuussisoq orniguk

Meeqqat atuarfianni naammassileruit:

Meeqqat atuafianni atuaruit, atuarfigisanni najukkanniluunniit ilinniakanut aqqutissiuussisoq oqaloqatigisinnaavat.

 

Meeqqat atuarfianni atuarnerit naammassereersimagukku:

Meeqqat atuarfianni atuareernerpit kingornagut suniarnerlutit nalugukku, Majoriamut pulaarneq iluaqutigisinnaavat. 

Majoriami aqqutissiuussisut ilinniakkamut sumut sammiveqarnissannut aqqutissiuutissavaatsit. Inuussutissarsiutitigut ilinniagaqarnissamut, Majoriami piginnaanngorsarnissamut imaluunniit ilinniarnertuunngorniatut atuarnissamut Majoriarmiut aqqutissiuussinnaavaatsit.

Aqqutissiuussisoq atuarfigerusutanni atorfeqartoq saaffigisinnaavat. Atuarfiup internetsikkut nittartagaani aqqutissiuussisumut qanoq attaveqarnissat paasisinnaavat.

 

Ilinniarnertuunngorniat atuarfianni naammassisimaguit atuaqqinniarlutillu:

Qaffasinnerusumik ilinniaqqinniaruit Ilisimatusarfiup Majorialluunniit aqqutissiuussisuinik aqqutissiuunneqarsinnaavutit.

 

Inuussutissarsiutitigut ilinniagaqareerlutit atuaqqinniaruit:

Inuussutisarsiutitigut ilinniagaqareerlutit ilinniaqqinnissamut iliniakkatigullu qaffassaqqikkusukkuit Majoriami aamma aqqutissiuunneqarsinnaavutit.

 

Itigartitaasimaguit:

Ilinniagarerusutannut qinnuteqqatit itigartitaasimappat, piginnaanngorsarnissat anguniarlugu iliuusissanik pilersaarusiornissaq pillugu najukkanni Majoriami ikiuisinnaasut attaveqarfigeqquagut.