Ilinniartunik aqqutissiuineq

Ilinniartunik aqqutissiuineq pisarpoq ilinniartunik aqqutissiuisutut ilinniarsimasumi. Uani aqqutissiuisut nassaarissavat

Ilinniartunik aqqutissiuineq assigiinngitsorpassuartigut pisarpoq, sammineqartartullu pingaarnerit pingasut ukuupput:

Ilinniakkamik qinersineq: 

Ilinniartunik aqqutissiuisumi ilinniagaq sorleq ilinnut naleqqunnerunersoq pillugu siunnersortissinnaavutit.

Ilinniakkami aallartinnissamut karakteritit naammanngippata, qanoq ilillutit karakterivit ilinniakkami aallartissutigisinnaanngorlugit qaffassaanissannik aqqutissiorneqarsinnaavutit. 

Ilinniartunik aqqutissiuisoq peqatigalugu qinnuteqarnissannut iliuusissatut pilersaarummik sanasinnaavutit.

Paasissutissat naleqquttut:

Periusissat nalequttut pillugit ilinniagaqarfissatut takorluukkannut qinnuteqarniarninni aqqutissiuunneqarsinnaavutit, tamatigullu tassunga attuumassutilimmik apeqqutit amerlanersaat  maani Sunngu-mi akissutisiffigisinnaavatit.

Eqqaamasariaqakkat allattorsimaffiat iliuuserisariaqakkannut tunngasoq aamma sanavarput

Nalornilissagaluaruillu aqqutissiuisumut, apeqqutissannut akissuteqarsinnaasumut, attaveqarnissat pitsaasuuvoq.

Ilinniartutut inuuneq: 

Ilinniarnerpit nalaani ilinniartutut inuuninni qanoq iluarsartuussisinnaanerit pillugu aamma aqqutissiuinermi pineqarsinnaavoq.

Artorsarnermik nalaanneqartillutit ilinniartunik aqqutissiuisoq ornissinnaavat unamminartullu pillugit oqaloqatigalugu.  

 

Itigartitaavit?

Ilinniakkamut aalajangersimasumut qinnuteqaatit itigartinneqarsimappat, najukkanni Majoriaq attaveqarfigissagit innersuutigissavarput. Piginnaanngorsarnissannut pisariaqartut pillugit Majoriami ikiorsinnaavatsigit.