Atuarnerneq

Atuartuuneq

Qallunaat SU-annik pisaruit SU-mi allattuiffiit(SU oversigt) tunniutissavat, tassannga atuartuunerit uppernarsassagakku taamaalillutillu pisartagaqarsinnaatitaanerit uppernarsarlugu.

Kalaallit Nunaanni Namminersorlutik Oqartussanik ilinniagaqarnermut tapiissutinik pisaruit atuarnerit ingerlattussaavat, taamaammat ukua pisussaatitaaffigaatit:

  • fagini pingitsoorani ingerlatassani peqaataassaatit, pinngitsooranilu suliassanik tunniussisassallutit
  • ilinniarnermi pilersaarusiaq naapertorlugu misilitsinnernut nalilersuinernullu nalunaarlutillu peqataasassaatit
  • misilitsinnerit naammasinerisigut Kalaallit Illuutaannut uppernarsaammik tunniussinissat. Uppernassaatini tunniussani fagini sorlerni qanga misilitsittoqarsimanersoq qanorlu angusaqartoqarsimanersoq takuneqarsinnaasussaavoq. Ingerlaqqittumik ilinniagaqaruit ECTS point-it aamma ilanngutissavatit.

Misilitsinnivit nalunaarsuiffianik ilinniarfinni pisinnaavutit, aamma nammineq anillatsitsisinnaavutit, nammineerluni qarasaasiatigut imminut sullisinnaaneq ilinniarfippassuit atorpaat.

Napparsimaneq peqqutigalugu atuanngitsoornerit

Sivisuumik napparsimalissagaluaruit ilinnut atuarninnullu kinguneqapiluttussaavoq. Taamaattumik napparsimalerniariarlutit Kalaallit Illuutaannut ilinniarfigisannullu nalunaapallattartiaqarputit.

Atuarnissamut piumasaqaatit naammassinngikkukkit, tapiiffigineqartarnitit unitsinneqarsinnaapput Kalaallit illutaata atuarnermik ingerlatsinernut uppernasaammik pinissaata tungaanut.