Ilaqutttat nooqataappata

Aappat meeqqatilu Danmarkimut nooqataappata, assigiinngitsualuit eqqumaffigisariaqakkatit arlaliupput.

Nuliat uiilluunniit ilinniartuunianngippat inunnik isumaginninnermi siunnersortimut Kalaallit illuutaanniittumut saaffiginnikkussi pitsaanerpaassaaq. Aappat Danmarkimi kommunip najugaqarfigilikkassi Jobcenter-ianut saaffiginnilluni suliffissarsiorsinnaavoq imaluunniit www.jobnet.dk atorlugu.

Aningaasatigut ikiorsiisarnermi maleruagassat naapertorlugit aappavit qinnuteqarsinnaanera aamma periarfissaavoq. Aapparisat aningaasatigut ikiorserneqassappat naatsorsuutigissavarsi suliffissamik tunineqarsinnaanermut piareersimasussaanera suliffeqalernissamullu piareersarneqassalluni: assersuutigalugu; suliffimmik misiliisinneqassaaq imaluunniit pikkorissartitaalluni. Taamaammat meeqqassi paaqutarineqarnissaat aamma aaqqitassaavoq. Angerlarsimaannarluni meeqqanik paarsigaanni aningaasanik ikiorsiissutinik pisartaqalertoqarsinnaanngilaq.