Sillimmasiinerit

Pigisanik sillimmasiineq

Kalaallit Nunaanniik aallannginnerni angajoqqaavit ilaqutariittut sillimmasiisimanerannut ilinniagaqarniartutut ilatinneqarnerlutit misissussavat.

Sillimmasiinermut ilaanngikkuit (pigisanut, tilliffigitinnissamut, ikuallattoornissamulu sillimmatitigut), piaartumik sillimmasiisariaqarputit.

Ilinniagaqartut kattuffianni ilinniartutut ilaasortaanikkut sillimmatitigut iluanaarutaasinnaasunik neqeroorfigineqarsinnaavutit.

Sillimmasiisarfinnut aamma nammineerlutit paasiniaasinnaavutit. Sillimmasiisarfiit inuusuttunut annikitsunik pigisalinnut immikkut neqerooruteqakkajupput.

Angalanermi sillimmatit

Namminersorlutik Oqartussat angalanermut pisattanullu nassiussanut sillimmasiisarfia, ilittut ilinniagaqarniartutut Namminersorluni Oqartussanik angalanissamik akiliunneqartunut atugassiaavoq.

Nassiussanik angallassinissamut akiliunneqarnissamut akuersissuteqarpat immikkut sillimmasiinissaq atussaq.