Ilinniartuulluni inuuneq

Inoqatinut attaveqarnerit  

Amerlasuunut ilinniarnerup nalaani inooqatigiinnikkut attaveqarluarnissaq pingaaruteqarpoq, ilinniagaqarnermi piumassuseqarluarnissamut ulluinnarni kaammattuutaalluartarmat.

Nalornisigilissagaluarukku ilinniagaq ilinnut eqqortoq toqqarsimanerlugu, pitsaasumik ulluinnarni inunnik attaveqarfeqarfeqarnerit ilinniakkannik attassiinnarnisannut iluaqutigisinnaavat.

Atorsalissagaluaruit ajornarsiuteqalissagaluaruilluunniit ilinniaqititit ilinniakkannilu aqutissiuisut oqaloqatigisarsinnaavatit.

Taamaalillutit ilinniagaq eqqortoq qinersimanerlugu paasinninnerulersinnaavutit.

Tamatigut ilinnialeqqaarneq ilinniartunut oqimaattarpoq, akunnattoortarsinnaagavit killivillu qaangerneqarneri misigisassallugu.

Taamatut pisoqaraangat Ilinniarnertuunngornianik Siunnersuisarfimmut saaffiginnittassaatit.

Angerlarserneq  

Illoqarfik angerlarsimaffigisat qimallugu, Kalaallit Nunaanni illoqarfimmut allamut ilinniariarsimaguit angerlarsilersinnaavutit.

Nunagisami ikinngutit, ilaquttat ulluinnarnilu inuuneq maqaasinarsisinnaapput.

Sungiusimasamiik allamut nuulluni angerlarsilersinnaaneq naliginnaavoq.

Atuarfigilikkannili, ilinniartut inaanni illoqarfimmiluunniit ikinngutitaartussaatit, ilittummi inissisimasut amerlaqaat.

Angerlarsileruillu ilinniaqatitit, ilinniartitsisutit ilinniarnermilu aqqutissiuisoq oqaloqatigisarukkit iluaqutigissavat. 

Angerlarsernernik paasinnilluartumik oqaloqateqartaruit iluaqutigissavat.

Oqaloqateqarnissamik pisariaqartitsigaangavit noqittassanngilatit.

Ilinniartut ineqarfianniinneq (Kollegiamiinneq)

Ilinniartut ineqarfianni ilinniartut allat ineqatigineqartarput, tamatigullu ilinniartutut ulluinnarni inuunivit ilarujussua taassunga attuumassuteqartassaaq.

Inoqatinik naapitsiumatuujulluni ilinniartut ineqarfianiitilluni inunnik ilikkagaqarfissatsialaavoq.

Allanillu amerlasuunik ineqateqalerneq aamma inuuninni allannguutaalunilu unamminartuusinnaavoq.

Ilinniartut ineqarfianni najugaqassaagaanni akisussaaffeqarsinnaaneq, inoqatinut innimittarneq, ammasuuneq, inuttullu assigiinngissuseqarnermik ataqqinninneq pigisariaqarput.

Siusinnerusumut naleqqiullugu imminut akisussaaffiginerulissaatit aamma aallanut.

Immaqa allanut ilinniakkeriniarlutik eqqissisimaniartunut/nipaarsaaqqusisunut immaqaluunniit siniliaarusuttunut innimittarnerulernerusariaqalissaatit.    

 www.matup.gl misissuataassagit siunnersuutigaarput, tassani unamminarsinnaasut assigiinngitsut Kalaallit Nunaanni ilinniartut inaanni pinngortartut

 

Filmi tamaat uani takusinnaavat