Angerlarsimaffik

Ilinniagaqarnialertillutit angerlarsimaffissannik qulakkeerinissat pingaaruteqarpoq.
Atualertinnak inissarsiornissat pingaaruteqarpoq. Uani init sorliit qanoq qinnutigisinnaanerlugit paasisinnaavat.

Ilinniartut ineqarfiat

Ilinniarnerpit nalaani ilinniartut ineqarfianni ineqarnissat qinnutigisinnaavat. Ilinniartut ineqarfiat tassaavoq atuartillutit ineqarfigisinnaasat. Kisimiillutit ineqarsinnaavutit aamma ineqateqarsinnaavutit. Aataatsimut atugassanik peqarpoq, assersuutigalugu igaffeqarluni, errorsisarfeqarluni arlalinnilu aamma ataatsimut isersimaartarfeqarpoq.

Annertunerusumik  Ilinniartut Ineqarfiini Aqutsisoqarfiup Nittartagai  paasiniaavigisinnaavatit

Init attartortakkat 

Inimik attartornissamik aamma qinnuteqarsinnaavutit. 

Kommunit ilaasa namminneerlutik init attartortakkat aqutarivaat, kommuninili allani Inissiaatileqatigiiffik INI A/S  aqqutigalugu attartortoqartarluni.

Illoqarfinni tamani immikkoortortani allaffeqarfiit/kommunit allaffii - www.kanukoka.gl - qinnuteqaatinnik nassitsivigisinnaavatit

Utaqqisut allattorsimaffii naapertorlugit inissianik tunniussuisoqartarpoq, taakkua kommunini immikkuutitaarput. 

Najugaqatigiiffiit

Ilinniartut ineqarfianni ineqarnermiik - kollegiamiinnermiik - allaanerusumik ujagaqaruit ilinniartut allat najugaqatigiiffimmik pilersitsiniaqatigisinnaavatit.

Namminerisannik initaarniaruit, ineqarnermut tapiissutitigut periarfissatit misissorsinnaavatit.

Meeraqaruit/meerartaarussi, tapiissutinik pinissamut qanoq periarfissaqarnerlutit kommunimut saaffiginnissutigisinnaavat.