Amerlasuunut oqalunnisamut ittoorneq

Inuit katersuussimasut amerlasuut ikittulluunniit akornanni oqalunnissaq amerlasuunut ajonartorsiutaasarpoq.


Ingammik ilinniagaqartilluni akuttunngitsumik allanut saqqummiussinissaq pisariaqartarpoq.

Iliuuseriuartillugu ajornannginnerujartuinnassaaq

Amerlanerpaat ilinniaqatinut saqqummiussinissaq annilaanngatigisarpaat. Tamatigungajak qanoq saqqummiussinermik sungiussisimatigineq apeqqutaasarpoq - sungiusagassaavoq, sungiusartuartillutit ingerlallualeraluttuinnassaatit.

Annilaangasarnerit sungiusartillutit aqukkuminartikkiartuaassavat. Annilaanganeq tammavissorunnanngikkaluarpoq, kisianni aqussinnaalissavat, annilaanganermut aqutsinnak. Taamalillutit oqaatiginiakkavit imarisai sammilluarnerusinnaavatit.

Annilaanganermik tinguarneqaraanni  

Inut ilaat annilaangalluinnartarput atuariartorsinnaajunnarllutillu allaat. Saqqummiussinissartik oqalunnissartillu pinaveersaartarpaat.

Misigissusaat eqqarsaatinut ajortunut imminut allanullu tunngasunik attuumassuteqartarput. Ukuusinnaapput:

 

  • Ajorpunga.
  • Qanoq immnut tatiginngitsigalunga/sianiitsigalunga/annilaangatigalunga allanut takutikkusunngilara.
  • Oqaraluaruma ilama isornartorsiussavaannga, aamma isornartorsiutaat ajussagunarpoq.
  • Oqaasissakka allanik pissanganartutut isigineqarnavianngillat.
  • Annilaangarujussualissaanga, kanngunartuliorlunga utertitseqqissinnaajunnaarlunga, atuariartoqqissinnaajunnaarlungalu.
  • Sukkasoorujussuarmik oqalupallakkuma naammassipallanniassaaq. Qanorlu oqalunnera paasinngingajavissavaat.
  • Aappileqinaanga.

 

Annilaanganeq peqqutigalugu tunuarsimaaraanni, tunuarsimaarneq sakkortusigaluttuinnartussaavoq. Annilaanganerlu qaangerniaraanni ajugaaffigisariaqarpoq.

Annilaanganinnut suna peqqutaasinnaasoq eqqarsaatigalugu misilisinnaavat. Suna peqqutigalugu tunuarsimaarnerlutit paasigukku, piginnaasatit atorlugit sungiusaruit ileqqupalaaliussat aningorsinnaavat.

ingerlaqqinnissannut ikiorneqartariaqarlutit misigisimaguit attaveqarfigisinnaavatsigut oqaloqatigalutalu.

Allagaq una srg.dk-miit isumassarsiorluni allagaavoq.