Isumakilliorneq

Inuit tamarmik nikallungasarput, pissusissamisoorpoq.

Nanertisimasoqartarneranut peqqutaasinnaasut amerlaqaat. Isumakilliornerup suunera qanorlu pissusilersorfigineqarsinnaanera uani atuarsinnaavat.

Pissuseq isumakilliornertut taaneqassappat, ersiutit aalajangersimasut piffissami aalajangersimasumi pingereersimasariaqarpatit. Nanertisimasoqarsinnaavoq isumakillioranili, ersiutillu annaasaqarnikkut aliasuuteqarnikkullu misigineqartartut aamma isumakilliornermi misigineqartartunut assingusarput.

Nakorsap paasiniartussaavaa isumakilliortoqarnersoq, qanorlu annertutigisumik atorneqarnersoq nalilertussaallugu.

Isumakilliornermi ersiutit 

Suut tamarmik isumaarunnerannik aalajangiussaqarsinnaajunnermillu misigisimaguit, ajortuinnarnillu eqqarsaqqajaallutit imminut malugisaruit.

Isumakilliorneq timikkut, misigissutsitigut eqqarsariaatsikkullu eqqusarpoq.

Ersiutit ukua assigiinngitsutigut katipillugit atorneqarsinnaapput:

  • Kisimiikkusunneq,
  • Imminut tatigiunnaarlunilu puffassimanerulerneq,
  • Timikkut sanngiillisimasutut qasoqqasutullu misigisimalluni
  • Ullaakkullu eqeerniapiloorneq.

Ersiutaasinnaasut allat: 

  • Eqqarsarluarsinnaajunnaarneq, 
  • Sinnarliorneq, 
  • Timikkut anniaatit,  
  • Annilaanganeq,  
  • Nerisassanik nakerisaarunneq 
  • Imminut toqukkusunneq.

Sooq nikallunganerlutit paasiniaruk 

Sooq nikallunganerlutit paasisimagukku tassanngaanniik anillannissat ajornannginnerussaaq.  

Peqqutaasut nalunngikkaluarlugit isumakilliorneq isumaminik uninnavianngilaq - iluarsiartuaassaatilli.

Oqaloqateqartarit 

Pitsanngoriartunngikkuit allanik - ikinngutinik, ilaquttanik, ilinniarsimasunilluunniit - oqaloqateqarniarneq iluaqutaassaaq. 

Nakkanganeq isumakilliornerlu qaangeruminarnerutissavatit suna peqqutaanersoq nalunngikkukku, qanorlu iliuuseqarsinnaanerit ilisimakanneriissagakku.

Ikiortissarsiortarit

Isumakilliorneq qaangeruminaassinnaasarpoq ilaatigullu ilinniarsimasumik ikiorneqarnissaq pisariaqartarluni.

Iliuusissaarusimaarsinnaavutit, immaqaluunniit nammineerlutit qaangerniarsaresussinnaavat.

Ingerlariaqqinnaveeruit isumakilliornerpillu ilungersunartorsiortillutillu malinnaaniapiloortillutit piffissaajartippallaalerpatit ikiortissarsiornissat pisariaqalersarpoq. 

Isumakilliorneq aningorsinnaanngikkukku, Ilinniarnertuunngornianik siunnersuisarfimmut nakorsamulluunniit saaffiginneriaannaavutit.

srg.dk isumassarsiorfigalugu una aallataavoq.