Ukunani aamma ikiortissaqarputit...

Ilinniarnertuunngornianik Siunnersuisarfik ajornartorsiutinnut naleqqutinngippat telefonikkut siunnersuisarfiit ikiortissarsiorfigisinnaavatit, suliniaqatigiiffiit siunnersuinermik suliallit allatorsimaffiat takujuk.

Telefonikkut siunnersuisartut

146 ATTAVIK

ATTAVIK nuna tammakkerlugu inuttut ajornartorsiuteqaruit imminorsimasumulluunniit attuumassuteqaruit siunnersortiffigisinnaasat.

Telefoni sapaatit akunnerata ullui tamakkerlugit ammasarpoq nal. 19.00-21.00.

134 Meeqqat inuusuttullu oqarasuaataat

Imminornaveersaartitsinermut meeqqanillu kinguaassiutitigut atornerluisarneq akiuiniarnermut atatillugu Meqqat Inuusuttullu Oqarasuaataat 134  PAARISA´p ingerlatarivaa. Nunatsinni meeqqat inuusuttullu tamarmik akeqanngitsumik sianerfigisinnaavaat siunnersuisunillu ilinniarsimasunik siunnersortillutik.

Oqarasussat ullut tamaasa ammasarpoq 19.00-21.00.

31 41 51 Ilaqutariinnik siunnersuisarfik  

Tassunga saaffiginnillutit ilaqutariinneq pillugu oqarasuaatikkut siunnersortissinnaavutit.

1899 - MIO'p SMS-ikkut siunnersuisarfia

MIO'p SMS-ikkut siunnersuisarfia aliasukkuit, immaqaluunniit inersimasumik oqaloqateqarusukkuit, illit pillutit nuna tamakkerlugu akeqanngitsumik meeqqanut inuusuttunullu SMS-ikkut attaveqaataavoq.

Oqarasuaat ataasinngornermiik tallimanngornermut ammasarpoq nal. 16.00-18.00.

141 Inersimasunut kingunipilutsitsisunut oqarasuaatikkut siunnersuisarfik

Attaveqaat 141 inersimasunik meeraallutik kinguaassiutitigut kannguttaatsuliorfigitissimallutik kingunipilutsitsisunik sullissisuuvoq.

Oqarasuaat marlunngornikkut sisamanngornikkullu ammasarpoq nal. 19.00-21.00, arfininngornikkullu nal. 15.00-17.00.