FA

Meeqqat atuarfianni atuarsimanissaq Ilinniaqqinnissanut tamanut toqqammaviuvoq.

Meeqqat atuarfianni naammassinermi karakteerimik amigaateqaruit imaluunniit misilitsissimanngikkuit, piginnaanngorsarluni ukiumi ataatsimi ingerlatassaq, allattariarsorluni misilitsinnermik naggasigassaq (augustimiik junimut) Majoriap neqeroorutigisarpaa. Misilitsinnerit ilinniaqqinnissamut ingerlaqqissutaasussat, meeqqat atuarfianni atorneqartut assigivaat.
Tamannalu isumaqarpoq, FA naammaginartumik angusaqarlutit naammassisimagukku, GUX-imut inuussutissarsiutinillu ilinniakkamut qinnuteqarsinnaaninnik. Ilinniakkanut assigiinngitsunut karakteeritigut piumasaqaatit assigiittannginneri maluginiassavat.

FA-mi ilinnialernissamut piumassapput:

  • Meeqqat atuarfianni naammassisimanissat
  • 15-16 sinnerlugit ukioqassaatit 
  • Piginnaanngorsarneq iliuusissatut pilersarusiamut ilaassaaq

FA pillugu apeqqutissaqaruit imaluunniit FA-mi atualerusukkuit, najukkanni Majoriamut saaffiginnissaatit. 

Malugiuk
Majorissat FA-mik neqeroorsinnaasut amerlanngillat. 2016-imi januarip aallaqqaataani ukuupput: Qeqertarsuaq, Ilulissat, Aasiaat, Kangaatsiaq, Sisimiut, Maniitsoq, Nuuk, Qaqortoq Tasiilarlu. Fagillu sammisarineqarsinnaasut atuarfinni assigiinngitsuni nikerarsinnaapput.

Fagit

Minnerpaatillugu meeqqat atuarfianni fagini pingaarnerni tallimani atuartitsisoqarlunilu misilitsitsisoqartarpoq: 

  • Kalaallisut 
  • Qallunaatut
  • Tuluttut
  • Matematik
  • Fysik

Fagimi naammaginartumik misilitereersimaguit fagip taassuma misilitsissutiginnissaa pisariaqanngilaq.

Qinnuteqarneq 

FA-mi atuarnissamik qinnuteqarumaguit qinnuteqarluni immersugassaq immersussavat. Majoriami najukkanniittumi taanna pisinnaavat. Immersugassaq immersoreerlugu Majoriamut najukkanniittumut tunniutissavat.

Ilanngutassatit eqqaamassavatit:  

  • Kuisinnermut allagartaq 
  • Misilitsinnermit allagartat (karakteerit))
  • Najugaqarnermut uppernarsaat 
  • Katissimanermut uppernarsaat - pigineqaarpat 

Majoriat tamarmik FA-mi atuartitsinermik ingerlatsisinnaanngillat. Illoqarfiginngisanni allani FA-mi atuarnissaq qinnuteqaatigisinnaavat. Ilinniartulli inissiaannik amigaateqartoqarsinnaanera Majorianilu ataasiakkaani inissaqartitsinngittoqarsinnaanera eqqumaniarfigisariaqarpat. Taamaammat ilinniarfissarsiniarneq ajornakusoorsinnaasaqaaq. FA-mi ilinniarnissanni inissaqarnissat qulakkeerumallugu atuarnerup aallartinnissaa sioqqulugu piffissaqarluarlutit qinnuteqarnissat pisariaqarpoq.  

Majoriani assigiinngitsuni qinnuteqarnissamut killigititat nikerarsinnaapput. Najukkanni Majoriaq illoqarfinni assigiinngitsuni killigititat pillugit paasissutissiisinnaavoq.