AEU

Inuussutissarnermi ilinniagaqarumaguit ilinniakkatigulli piginnaasanik amigaateqaruit Akuerisaasumik Inuutissarsiummik Ilinnialernissamut Piareersarneq (AEU) atorlugu piginnaanngorsarsinnaavutit.

AEU atuartitsinermik ingerlatsiviuvoq Kalaallit Nunaanni inussutissarsiornermik ilinniagaqarnissamut piareersaataasoq. Tassani innuuusstissarsiornermik ilinniakkamut isernissannut piumasaqaatit angusinnaavatit.

Malugiuk
AEU-mi atuarnerit majoriap immikkoortortaanni ingerlanneqartarput. Suliffeqarnerit peqqutigalugu ulluinnarni atuartitaanernut peqataasinnaanngikkuit AEU-mi nammineerluni ilinniarneq ingerlassinnaavat.

Atuartitaanerup aaqqissuussaanera 

AEU marlunnik ukioq ilivitsoq naammatsillugu ingerlaneqarsinnaasunik immoortoqarpoq, fagillu isissutaasussa timarisai ukuupput:

  • Qallunaatut
  • Kalaallisut
  • Tuluttut
  • Matematik

Immikkoortumi siullermi ilinniartitsisuit qaqugu imikkoortup aappaani aallartissinnaanersutit nalilissavaa. AEU-p immikoortuata aappaa naammassigukku, fagit isissutissatit allattariarsornikkut misilitsissutigissavatit.

Immikkoortut siulleq aappaallu ataatsikkut augustimi kingusinnerpaamillu septemberimi aallartitarput, sumiiffinnilu amerlanermi januarimi februarimiluunniit aallarteqqittarlutik. Immikkoortup aappaani angusereeruit inuutissartsiutini ilinniakkanut qinnuteqarsinnaanngussaatit.

Malugiuk
Fagit neqeroorutigineqartut atuartitsinerillu ingerlaneri Majoriani assiginngitsuni nikerarsinnaapput. 

Piumasaqaatit   

15-inik ukioqalereersimasut tamarmik AEU-mi ilinnialersinnaapput, kisianni sumiiffinni aalajangersimasuni ukiunut killigititat allaanerusarput. Majoriaq illoqarfigisanniittoq piumasaqaatit sorliit atuunnerinik paasiniaaffigisinnaavat.

Qinnuteqarneq 

AEU-mi ilinnialerumaguit Majoriaq illoqarfinniittoq saaffigissavat. Tassani aqqutissiuisorlu AEU-mi fagit soorliit atuassanerlugit nalilersuissaasi. Aalajangiussigussilu qinnuteqaammik immersuissaatit. Illoqarfinni Majoriaq qaqugu kingusinnerpaamik qinnuteqaasiussanerlutit paasiniaavigissavat.

Illoqarfimmi najugarisanni taamaallaat ilinnialersinnaavutit. Majoriaqanngitsumi nunaqarfimmiuuguit Majoriami qaninnermi ilinnialernissat qinnutigisinnaavat.

Qinnuteqaasioruit ilanngutassatit eqqaamassavatit:

  • Sumi najugarnermut uppernarsaat (Bopælsattest)
  • Kuisinnermut allagartaq
  • Meeqqqat atuarfianniik naammassinermi karakteerit 
  • Pikkorisarsimanermut uppernarsaatit 
  • Sulisitsisuit oqaaseqaataa 
  • Meeraqaruit, meeqqavit kuisinnermut allagartaat 

Qinnuteqaat immersoriikkat Majoriamut qinnuteqarfigisannut nassiutissavat tunniulluguluunniit. Qinnuteqaatit nunaqarfiup sullisiivianut, Majoriamut nassiuteqqitassanngorlugu, tunniussinnaavat. 

Qinnuteqaatip tingunerata kingorna Majoriap kikkut akuerisaassanersut aalajangiiffigissavaat. Qinnuteqaatit nalilersorneqareerpat allakkatigut nalunaarfigineqassaatit.

AEU-mi ilinniartussatut akuerisaasimaguit misilitsittussaavutit. Misilitsinnerpillu inerneri aallaavigalugit Majoriap immikkoortumi sorlermi aallartissanersutit naliliiffigissavaa. Imaassinnaavoq immikkoortumi 2.-mi qallunaatut aallartissasutit immikkoortumilu 3.-mi tuluttut aallartissasutit.

Malugiuk
Maannarpiaq AEU-mi aallartittussanik, Majoriani amerlasuuni, utaqqisoqarpoq. Qinnuteqaruillu tiguneqarnissat qulakkeersinnaanngilat.

AEU-mi ilinniakkamik ingerlataqaruit Majoriamut allamut nuunnissaq qinnutigisinnaavat. AEU-mili ilinniagalinnut inissat killeqarput. Nalunartarlunilu inissaqartitsisoqarnersoq.  

Inaarutaasumik misilitsinnerit 

AEU-p immikkoortuata aappa naammassigukku fagini ilinnialissutigisassanni allatariarsorlutit misilitsissaatit. Isumaqarporlu ukunani misiltsissasutit:

  • Kalaallisut
  • Qallunaatut
  • Tuluttut
  • Matematik

Misilistsinnerit ukiumut marloriarlugit ingerlanneqartarput. Immikkoortup aappaani misilitsinnerni angusiguit inuutissarsiornermi ilinniakkanut assersuutigalugu elektrikerimut, sanasumut inulerinermi ikiortimulluunniit qinnuteqarsinnaanngussaatit. ilinniarnertuunngorniarfinnut piareersaataasumut FA-mut aamma qinnuteqarsinnaavutit.

Napparsimaneq peqqutigalugu immikkut misilitsinneq
Napparsimanerit peqqutigalugu misilitsissinnaanngikkuit, napparsimaneq peqqutigalugu immikkut misilitsissinnaavutit. Tamanna pisinnaassappat nappasimanernut uppernarsaat nakorsap allagaa najukkanni Majoriamut tunniutissavat. Napparsimanermut uppernarsaammik nakorsamiik pisinnaavutit.