Majoriaq

Kalaallit Nunaanni innuttaasut tamarmik ilinniagalernikkut sulilersinnaanermik periarfissaqartitaasussaapput. Ilisimasat inuunerpit sinnerani atorsinnaasatit ilinniagaqarnikkut pigilissavatit. Ilinniagaqarlutit suliffissatigut periarfissatit annertunerussapput. Suliffeqaruit ilaquttannik pilersuisinnaanerussaatit.

Piginnaasanik qaffassaanerup suliffissaqarnikkut ilinniarfissatigullu periarfissagissaarnerulissaatit. Inuutissarsiummik ilinniakkamut ilinniakkatigut piginnaasanik amigaateqarnerit peqqutigalugu isersinnaanngikkuit, Akuerisaasumik Inuutissarsiummik Ilinnialernissamut Piareersarneq (AEU) aqqutigalugu karakteerinnik qaffassaasinnaavutit.

Piginnaasannik suliffinniluunniit qaffassaarusukkuit Majoriaq illoqarfigisanni saaffigisinnaavat. Tassani inuutissarsiutinut ilinniagaqarnernullu aqqutissiuisup piginnaasanik qaffaanissannut assigiinngitsunut aqqutissiuullutit ikiorsinnaavaatit, assersuutigalugu ukununnga:

  • Meeqaat Atuarfianni inaarutaasumik misilitsinneq (FA)
  • Akuerisaasumik Inuutissarsiummik Ilinnialernissamut Piareersarneq (AEU)
  • Sulinermut sulifeqarnermullu sungiusarnikkut 

Majoriap nammineerluni ingerlavissat assigiinngitsut ingerlattarpai. Taamaammallu piginnaasanik qaffassaaneq Majoriami najukkanniittumi ingerlanneqassalluni. Majorissalli ilaasa atuartitsinerit FA-mut tunngasut meeqqat atuarfiini ingerlattarpaat. Majoriaq illoqarfinniittoq saaffigigukku, aqqutissiuisup iliuusissamut pilersaarusiaq illit inissisimmavinnut pisariaqartitannullu naleqqussagaq piareersassavaa. Suut aqqusaarlugit ilinniagaqalernissat suliffeqalernissallu iliuusissamut pilersaarusiami ersersinneqassapput.
Majoriamut saaffiginnikkuit ukuninnga nassarnissat eqqaamassavat:

  • Najugaqarnermut uppernarsaat
  • Kuisinnermut allagartaq 
  • Meeqqat atuarfianniik naammassinerni karakteeritit 
  • Ilanngunneqarsinnaapput sulisitsisorisimasavit oqaaseqaataat

18-t ataallugit ukioqaruit, angajoqqaavit angajoqqaatulluunniit akisussaatitaasup akuersissutaannik aqqutissiortinnissamut nassassavatit. Angajoqqaatit angajoqqaatulluunniit akisussaatitaasut aamma ilagisinnaavatit.

Malugiuk 
Nunaqarfinni majoriaqanngippat, Majoriamut qaninnermut nunaqarfiulluunniit sullissivianut saaffiginnissinnaavutit.

Majoriami atorfillit nipangiussisimasussaatitaapput. Eqqartorneqartut tamavimmik illit Majoriallu akornassinniissapput.