Nuummi ilinniagaqarniarpit?

Nuummi ilinniagaqarniarpit imaluunniit ilinniarninnut atatillugu atuagarsoriassavit?

Siunissami illit nammineq KAF-mut inissarsiortariaqassaatit.

Ilinniakkat ukununnga tunngavoq: Inuusutissarsiornermik Ilinniarfiit, qaffasinnerusumik ilinniarfinnullu

Pingaarutilik: Mobilnormu aammalu emailit atortakkat kisimi nalunaarutigissagit, ulluinnakkut taana ilinnut ataveqaataasussaammat.
Ilinniakkamut akuerisaanermut allakkat imaluunit atuariartoqqussumik ilinniarfinniit tigugikkit aatsaat kolligiassannik (ineeqqamik attartuineq) qinnuteqarsinnaavutit.

KAF inimik qinnuteqaat atualernissat sapaatip akunneri sisamat sioqqullugu nassiutereersimassavat.

KAF-ip ilinniartut ineqarfiinut inissarsiorluni qinnuteqarluni immersugassaataa atorneqassaaq. Qinnuteqaammut ilinnialernissamut uppernarsaat aammalu sumi najugaqartarsimanermut uppernarsaat (historisk bopælsattest) ilanngussaqassapput.
Inissannik akuerineqaruvit KAF-ip toqqaannartumik ilinnut allaganngorlugu nalunaarfigissavaatit. Akuersissut KAF-imiit tigoreerukkit, atuarfigisassannut nalunaassaatit Nuummi inissannik tunineqarsimanerit, aatsaat atuarfippit/ilinniarfippit angalanissamut Billetisiniutissavaatit taamaasioreeruit.
Angalanissamut billetissat tigoreerukku, KAF-imut qaqugu Nuummut tikinnissat nalunaaruteqassaatit, inissat iserterfiginissaanut piareersimatinneqarniassammat.

Nuummut tikinninnut: Nammineq matuersaat aasavat. Eqqaammajuk KAF-ip oqarasuaataa aammalu vagtip oqarasuaataa nassatarissagakku.
KAF-imut qinnuteqannginninni misissulaassavat kingullermik KAF-ip inissiaataani ineqarninni akiitsutit akilereersimassagitit.

Ilinniartut ineqarfiinut tunngasunik annertunerusumik paasisaqarusukkuit KAF-i attavigineqarsinnaavoq.

Malugeqqussavarput Ilinniartut Ineqarfiisa Allaffeqarfiat ilinniartunut inissaminnik qulakkeerinneqqaaratik tikittunut akisussaaffeqanngimmat.