Ilinniartut ineqarfii

Nuummi inissannut tikilluarit

Piffissami sivikinnerusumi sivisunerusumiluunniit maaniissaguit ilinniartut ineqarfiat maani Nuummi ilinniagaqartutut najugaqarninni annertuumik inuuninnut ilaassaaq.

Siullermeerlutit najukkat qimassimasussaagukku ulluinnarni isumagisassat assigiinngitsorpassuit nammineerlutit isumagisassarilissavatit siornagullu pisaatsinnut naleqqiullugu annertunerusumik imminut akisussaaffigisussaassaatit.

Ineqarfimmi inuppassuit inooqataaffigissavatit. Tamanna ammasuunissamik, allanut soqutigittartuunissamik akaarinninnermillu piumasaqarpoq, tamannali aamma ilinnut annertuumik tunniussaqassaaq.

Ineqarfimmi sulisut ineqartullu allat peqatigalugit ineqarfik ilinniagaqartutut ineqarfittuinnaq pinnagu aammali atornera allatigut suleqatigiillusi immersorsinnaavarsi.

Neriuutigaarput suliassaq tigulluarumaarissi ineqarfimmilu avatangiiserissaarnissaq peqataaffigiumaarissi.

Ajunngitsumik ilinniartut ineqarfianniinnissat kissaatigalugu.