Qanoq ilillutit qinnuteqassavit?

Inatsisinik tunngaveqartumik ilinniagaqarlernissamik akuerineqarneq, immikkut akuerisaaneq imaluunniit ilinnialernissamut misilitsinneq aallaavigalugit qinnuteqarniarpit?

Qinnuteqarfissaq www.sullissivik.gl
Qinnuteqarfissaq  Majoriaq

GUX-mut qinnuteqarneq internet-ikut pisarpoq una aqqutigalugu www.sullissivik.gl.

Kisianni NemID-qaruit immersugassaq una: Kalaallit Nunaanni ilinniagaqarnissamik qinnuteqaat aamma ilinniagaqarnersiuteqarnissamik qinnuteqaat immersoriarlugu nunagisanni Majoriaq – mut nassiussinnaavat. Imaluunniit immersugassaq ugguuna pissarsiaralugu Ansøgningsskema GUX-S

GUX-imut qanoq qinnuteqartoqartarpa?

  • Qinnuteqalernermi GUX krydsileruk. Periuserineqartoq nutaajuvoq pisariunnginnerullunilu.
  • Ilinniarnertuunngorniarfimmik ilinniakkatigullu sammivimmik qinersigit. Ilinniakkatigut sammiviit katillugit pingasut salliutissavatit.
  • Ilinniarnertuunngorniarfik salliussassatut qinikkanni inatsisitigut piumasaqaatigut, immikkut akuersissuteqarnikkut imaluunniit  misilitsinnikkut tigusaarusunnersutit nalilissavat.

 

Inatsisitigut piginnaatitaaffik sunaava?       

Tulliuttut piumasaqaatit naammassigukkit inatsisitigut piginnaatitaaffeqarputit GUX-imi atualernissannut. Qinnuteqaruit GUX-imiit pinngitsoornat tiguneqassaatit:

-       projektopgavimi minnerpaamik E-mik karaktereqaruit

-       10. klassimi inaarutaasumik angusimasanut karakteerini tamani minnerpaamik karakteeri E anguneqarsimappat

-       Meeqqat atuarfianni 10 klassimi soraarummeernermi angusanni tamani, kiisalu ilinniartitsissutinilu misilitsiffiusuni tamani minnerpaamik E-mik karaktereqaruit

 

Immikkut akuerineqarluni isernissamut qinnuteqarneq sunaava?

FA-mi misilitsinninni ilinniartitsissutini soorlu kalaallisut, danskimi, tuluttut, matematikkimilu pitsaasumik karaktereqarputit, kisianni ilinniartitsissutini ataatsimi marlunniluunniit angusinngitsoorsimallutit. Taamaattoqarpat periarfissaqarpoq atuarfimmi rektoriusup immikkut akuersaarluni qinnuteqaatinnik akuersisinnaaneranut. Ilinniarnertuunngorniarfik inatsisitigut piumasaqaatinut immikkut ittumik akuersissuteqassappat inuttut suliatigulluunniit tunngavilersuutinik ilanngussissaatit.

 

Misilitsinneq suua?

Misilitsinneq aprilip ingerlanerani pisarpoq, apeqqutit arlariinnik akissutissalersoriikkat immersorlugit misilitsinneq pisarpoq. Ilinniartitsissutit kalaallisut, qallunaatut, tuluttut, matematik pinngortitalerineq inuiaqatigiilerinerlu misilitsiffiusarput. Misilitsinneq akunnermi ataatsimi ingerlanneqartarpoq. Misilitsinneq siusinnerpaamik pisinnaavoq meeqqat atuarfianni naammassereernerup kingorna upernarnerani. Misilitsinnerit Majoriami, nunaqarfiit atuarfiini Danmarkimiittunullu Kalaallit illuini ingerlanneqartarput. Misilitsinnermi angusisut qulakkeeqqasinnaanngilaat GUX-imut isernissaq, tamatumani GUX-it inissaqartitsinerat apeqqutaasarmat. [KB1] 


 [KB1]KAL version af det indsatte på dansk.