GUX-P GUX Aasiaanni

GUX-P sunaana?

GUX-P ilinniarnertuunngorniarneq ukiunut pingasuni ilinniagaavoq aaqqissuussaq, annertunerusumik atuartitsissutit ataasiakkaat itisilerneqassapput, ilinniagassanut ikiortinneq periarfissaqarnerulluni, inuttut ineriartornermik imaqarluni kiisalu ilinniaqqiffissat annertunerusumik sammineqassallutik ingerlaqqinnissami piareersimanerunissaq anguniarlugu.

P isumaqarpoq periarfissaq, una GUX-P naammassisimagaanni ilinniaqqinnissamut periarfissiimmat.

Ilinniagaqarnersiuteqartoqassaaq.

Siunnerfiit

Ilinniagaq inuusuttunut ilinniarnertuunngorniarfimmi nalinginnaasumi ingerlaqqinnissamut ajornakusoortitsisunut aaqqitaavoq ilinniakkamik naammassinissaat anguniarlugu ikiorserneqartussaallutik.

Isumaqarpoq:

     -    Piffissami qinnuteqarfimmi 15-nit 22-illu akornanni ukioqarsimassaatit

-    Ilinniarnertuunngorniarfimmi akuerineqarnissamut piumasaqaatit nalinginnaasut naammassisinnaanngikkukkit immikkullu ittumik ikiortariaqaruit aammalu    piffissamik saniatigut ittumik ilinniarnertuunngorniarnermi atuisariaqarlutit  

Ilinniakkap aaqqissuunnera

GUX-P-mi neqeroorutigineqarpoq immikkut ittumik sulianut tunngasunik isumaginninnikkullu tunngasunik suliaqarneq, ukulu tulleriit GUX-P aamma ilinniarnertuunngorniarfik nalinginnaasoq allaanerussutigivaat:

-          Atuartitsiviusuni annertunerusumik periarfissaqassaatit.

-          Ilinniagassat amerlanerit atuarfimmi ingerlanneqartassapput - angerlarsimaffimmiunngitsoq.

-          Ilinniagaq annertunerusumik ilinniakkamut ilinniaqqinnissanullu siunnersuinermik imaqarpoq inuttullu ineriartornermik imaqarlunittaaq.

-          Peqqissaartumik ilinniaqqinnissamut paasissutissiinernik ilaqarpoq ilinniaqqinnissamut eqqortumut toqqaaniarneq ajornannginnerusumik pisinnaaqqullugu.

-          Ilinniagaq aaqqitaavoq illoqarfimmi suliffeqarfinni sulisut pikkorissut peqatigalugit ilinniakkamut ilisimasat kattunneri. Suliffeqartarneq pillugu paasissutissiinertaqassalluni.

-          Ilinniarneq aaqqissugaavoq atuartitsissutini unamminartuni qanoq inissisimanerit malillugu.

 

Ukioq 2020 GUX-P Sceince GUX Aasianni neqeroorutaasoq ukunannga atuartitsiffiusunik imaqarpoq.

Kalaallisut A

Qallunaatut A

Tuluttut C

Matematik C

Uumasulerineq C

Kemi C

Fysik C

Eqaarsaarneq C

Studieprojekt

Atuartitsissut nammineq toqqagaq mat/eng B

Atuartitsissut nammineq toqqagaq  bio/kemi B

Klassens tiimi

Inuttut ineriartorneq - projektit

 

Piumasaqaatit

Itinerusumik inissisimasumi, meeqqat atuarfianiunerusumi malinnaasimanissat GUX-P ilinniarnertuunngortitsinermi piumasaqaataavoq. Ilinniarnertuunngortitsinermi piumasaqaataavortaaq immikkut ikiorneqartariaqartunut aammalu piffissamik saniatigut ittumik ilinniarnertuunngorniarnermi atuisariaqartunut naatsorsuussaavoq.

Qinnuteqarfissaq

Qinnuteqarnermut immersugassaq uani aaneqarsinnaavoq  https://sunngu.gl/~/media/Sunngu/USF%20blanketter/Ansgning%20om%20uddannelse%20Grnland%202020F25048013925023071810.pdf.

Immersugassami immikkoortoq 6-mi allanneqassaaq GUX-P. Immikkoortoq 7 immersorneqassanngilaq.

Immersugassaq najukkami Majoriamut tunniunneqassaaq kingusinnerpaamik 30.juni. Majoriami qinnuteqaaternut ikiorneqarsinnaavutit GUX Aasiannulluunniit attaveqarsinnaallutit.

Ilinniaqqiffiusinnaasut

GUX-P naammassisimagaani karakteritit apeqqutaallutik  ilinniakkanut ingerlaqqiffiusut sivikinnernut,  ingerlaqqiffiusumik ilinniakkat akunnattumik sivisussusillit ilaannut isissutaasinnaanngorlugu aaqqitaavoq. GUX Aasianni ilinniarnermut siunnersortit attavigikkit.  Uunga paasiniaaffigineqarsinnaapput gux-aasiaat@gux-aasiaat.gl