Ilinniarnertuunngorniarfimmi ilassutaasumik ilinniartitsinerit

Ilinniaqqikkusuppit ilinniartitsissutinillu aalajangersimasumik imalunniit karakterimik amigaateqarlutit?


Qanoq ilineratigut ilinniarnertuunngorniarfimmi pikkorissarnerit allat tapiutaasut ingerlassinnaassavigit 

Ilinniakkap normua: (KTI) 130031
Ilinniakkap normua: eGSK - ilinniarnertuunngorniarfimmi ilassutaasumik ilinniartitsinerit: 110099

Ilinniarnertuunngorniarfinni pikkorissarnerit tapiutaasut tassaapput ilinniarnertuunngoreersunut aamma ilinniarnernut ingerlaqqiffiusunut tiguneqarnissamut qinnuteqartunut sammititaasut, kisiannili ukuninnga amigaatilinnut:

  • ilinniartitsissutinik aalajangersimasumik qaffasissusilinnik imaluunniit 
  • ilinniartitsissummi aalajangersimasumik karakteerimik amigaatilinnut

Ilinniarnernut ingerlaqqiffiusunut piumasaqaatit naammassinniffiunngitsut kisiisa ilinniartitsissutitut tigusinnaavatit. Assersuutigalugu matematik B tigusinnaassanngilat ilinniartitsissut siusinnerusukkut ilinniareersimagukku imaluunniit karakteeri ingerlaqqiffiusumik ilinniarnermi piumasarineqartoq pigereersimagukku.  GSK ilinniagaqarnersiutinik pissarsiffiusinnaavoq malittarisassat atuuttut malillugit tamakkiisumik ilinniarneq pineqarsimappat. 

Ilinniarnertunngorniarfinni pikkorissarnerit tapiutaasut ingerlanneqartarput aggustimiit junip tungaanut.

Qinnuteqarfissap kinninga: Marsip aallaqqaataa.

Ilinniarnertuunngorniarneq ilinniagaqarnersiutinik tapiissuteqarfigineqarsinnaatitaavoq, inatsit malillugit piffissaq tamakkerlugu ilinniartuugaanni. Fiileq una takullugu naatsorsoruk ilinniagaqarnersiunik taperneqarsinnaanerlutit.

Ilinniarnermi ukiuni pingasuni marlunniluunniit ingerlasussami ilinniartitsissutit malinnaaffigikkit.

Ilinniartitsissut ataaseq arlallilluunniit malinnaaffiginiarlugit qinnuteqarsinnaavutit, tassanilu ilinniarnerni ukiuni marlunni pingasuniluunniit ilinniartut peqatigalugit ilinniarneq malinnaaffigalugu.

Paasissutissanik sukumiinerusunik pissarsiniaruit ilinniarnertuunngorniarfiit ataasiakkaat nittartagaat takusinnaavatit.

eGSK atorlugu ungasissumiit ilinniarnermut tapiliussaq

eGSK aqqutigalugu ungasissumiit ilinniarneq ilasinnaavat.

eGSK aqqutigalugu ungasissumiit ilinniarnermi ilinniartut inaanni ineqartoqarsinnaanngilaq.

Ilinniartitsissutit makku neqeroorutaapput:

Biologi C – 1 år

Dansk A – 1 år

Dansk A – 2 år

Engelsk 0->B – 1 år

Engelsk B->A – 1 år

Engelsk C – 1 år

Geografi C – 1 år

Grønlandsk A – 2 år

Grønlandsk A – 1 år

Historie B – 1 år

Kemi C – 1 år

Kulturfag C – 1 år

Matematik C – 1 år

Matematik 0->B – 1 år

Matematik B->A – 1 år

Samfundsfag C – 1 år

Samfundsfag 0->B – 1 år

Ilinniarneq septembarimiit juunimut ingerlassaaq. 

Qinnueqarfissaq kingulleq tassaavoq: 1. marts.

Teknikimik Ilinniarfimmi (KTI) ilinniarnertuunngorniarnermi immikkut pikkorissaanerit

KTI-mi Sisimiuniittumi matematik A, fysik B aamma kemi B immikkut pikkorissarfigalugit ukiumi ataatsimi ilinniarnertuunngorniarfimmiissinnaavutit.

Pikkorissartitsinerit annermik paasisaqarfiginiarukkit atuarfimmut (takuuk www.kti.gl) imaluunniit Danmarks Tekniske Universitetip (DTU) nittartagaa www.adgangskursus.dtu.dk alakkarsinnaavatit.

DTU KTI-mi immikkut pikkorissartitsisarpoq.

Danmarkimi ilinniarnertuunngorniarnerup ilanera

Ilinniarnertuunngorniarnerit Danmarkimi nangissallugu periarfissaqarputit.  Tamanna ukioq ataaseq ataallugu sivisussuseqakkajuppoq.

Immikkut pikkorissartitsinernut paasissutissat allat www.ug.dk-miipput.

Paasissutissanik allanik piniarlutit aamma Danmarkimi Kalaallit Illuutaat saaffigisinnaavatit.