Atuartitsissutini ataasiakkaani ilinniarnertuunngorniarnerit

Ilinniagaqarusuppit atuartitsissummi ataatsimi arlalinniluunniit ilinniarnertuunngorniarfimmisut qaffasitsigisumik?

Atuartitsissutini ataasiakkaani ilinniarnertuunngorniarnerit (GENK) ilinnut ilinniarnertuutut allagartaqanngitsumut periarfissaavoq, atuartitsissummi ataatsimi arlalinniluunniit ilinniarnertuunngorniarfimmisut qaffasitsigisumi ilinniarusukkuit. Atuartitsissutit ataasiakkaanik katersisinnaavutit ilinniarnertuutut allagartaqalerlutit. 

Qinnuteqarfissap killinga: Marsip aallaqqaataa

Ilinniarnertuunngorniarneq ilinniagaqarnersiutinik tapiissuteqarfigineqarsinnaatitaavoq, inatsit malillugit piffissaq tamakkerlugu ilinniartuugaanni. Fiileq una takullugu naatsorsoruk ilinniagaqarnersiunik taperneqarsinnaanerlutit.

Qanoq ingerlasarpa GUX GENK?

Ilinniakkap normua: 110100

Ilinniarnermi ukiuni pingasuni marlunniluunniit ingerlasussami ilinniartitsissutit malinnaaffigikkit.

Ilinniartitsissut ataaseq arlallilluunniit malinnaaffiginiarlugit qinnuteqarsinnaavutit, tassanilu ilinniarnerni ukiuni marlunni pingasuniluunniit ilinniartut peqatigalugit ilinniarneq malinnaaffigalugu.

Paasissutissanik sukumiinerusunik pissarsiniaruit ilinniarnertuunngorniarfiit ataasiakkaat nittartagaat takusinnaavatit.

eGUX – qarasaasiakkut ilinniartitsineq: eGENK aqqutigalugu ilinniarneq ilasinnaavat.  

Ilinniatitsissutit makku neqeroorutaapput:

Biologi B – 1 år (Sak.ak. ataaseq marlulluunniit GUX-imi Sisimiumiittariaqarpoq)

Dansk A (Turbohold) – 1 år

Dansk A – 2 år

Engelsk B (Turbohold) – 1 år

Engelsk C-B – 1 år

Engelsk C – 1 år

Geografi C – 1 år

Grønlandsk A – 2 år

Historie B – 1 år

Kemi C – 1 år  (Sak.ak. ataaseq marlulluunniit GUX-imi Sisimiumiittariaqarpoq)

Kulturfag C – 1 år

Matematik C – 1 år

Matematik B (Turbohold) – 1 år

Matematik C-B – 1 år  (Matematik C angusiffigereersimanissaa piumasaqaataavoq)

Samfundsfag C – 1 år

Samfundsfag C-B - 1 år  (Samfundsfag C angusiffigereersimanissaa piumasaqaataavoq) 

Religion C - 1 år

Psykologi C - 1 år 

Tysk B begyndersprog - 1 år

Qinnuteqarfissap killinga: Marsip aallaqqataa . Qinnuteqaat kajumippasittoq ilanngunneqassaaq, qinnuteqartoq nassuiaalluni sooq eGUX-mi ilinnialerusunnini allaaseralugu. 

 www.egux.gl takuuk paasisaqarnerulerillu.