Nipilersornermik tunngaviusumik pikkorissarneq

Nipilersornermik piginnaasatit pitsanngorsarusuppigit assersuutigalugu musikkonservatoriat arlaat ilinniartunngorfigerusukkakku?

 

Piviusut:

Sivisussusaa: uk. 3

Ilinnialernissamut piumasaqaatit: ilinnialernissamut misilitsinneq

Qinnuteqarnissap killinga: 1. februar

Paasissutissat: www.musikalskgrundkursus.dk imlt. www.ug.dk

Nipilersornermik tunngaviusumik pikkorisarnermi (MGK) uku toqqagassaapput: klassisk linje, rytmisk linje aamma produktionslinje.

Ilinniarfiit ilaanni periarfissaavoq: almen musikpædagogisk linje.

Aningaasaqarneq

Ilinniartitsineq akeqanngilaq. Ilinniagaqarnersiaqarnissat Namminersorlutik Oqartussanut qinnutigisinnaavat. Uani annertunerusumik paasisaqarsinnaavutit.

Pinngitsoorani misilitsinnermut aggersarneqassaguit angalanissat Namminersorlutik Oqartussanit akilerneqassaaq. Namminersorlutik Oqartussat ukiumut amerlanerpaamik qinnuteqartut marluk misilitsissinnaanerannut innersuussisarpoq.

Malugiuk: MGK-mi ilinniartunngorsinnaaguit, kisiannili ilinniarnertuunngorniarfimmi ilinniartunngornissannut piukkunneqarnak Namminersorlutik Oqartussat tamakkiisumik ilinniagaqarnersiaqarnissat akuerisinnaavaat, taamaalillunilu pikkorissarnerit ilinniakkatut ukiuni 3-ni ingerlatassatut akuerineqarluni. Imaappoq nammineq toqqassavat MGK-mut ilutigitillugu ilinniarnertuunngorniassanerlutit.

Qinnuteqarneq akuerisaanerlu

Musikalsk Grundkursusimut ilinniartunngorniaruit pinngitsoornak ilinniartunngorsinnaanermut misilitsinnermi angusisimanissat piumasaqaataavoq.  

Misilitsinnissat qinnutiginiarukku piumasaavoq:

  • 14-it aamma 25-it akornanni ukioqarnissat
  • Nipilersornermik ilinniartitsisorisimasannit imaluunniit nipilersornermik atuarfimmiit ataatsimit arlalinnilluunniit inassuteqaatigineqarsimassaatit

Inassuteqaammik inassuteqaatinilluunniit marlunnik takutitaqarsinnaaguit Namminersorlutik Oqartussaniit misilitsinnissat innersuussutigineqarsinnaalissaaq.

Misilitsinnermi takutissinnaassavat nipilersuummi pingaarnertut atortakkanni atusinnaassutsikkut nipilersornermillu piginnaaneqassutsikkut tunngavissaqarluarnerit. Ilinnialernissamut akuerineqarsinnaanissamut misilitsinneq minutsit 20-t missaanni sivisussuseqarpoq.

Misilitsinnermi allanik nipilersoqateqarniaruit taakkununnga aningaasartuutaasut nammineq akilissavatit.

Ilinniartunngorsinnaanissamut misilitsinnermut nalunaarneq 1. februar tikitsinnagu pissaaq tamannalu Musikalsk Grundkursus-ip nittartagaatigut pisarpoq www.musikalskgrundkursus.dk.