HF Imarsiorneq

Danmarkimi ilinniarnertuunngorniarnermi ilinniakkatigut sammivik HF Imarsiorneq (HF S’fart) ingerlassinnaavat.

Piviusut:

  • Sivisussuseq: uk. 3
  • Piumasaqaatit: Meeqqat atuarfiata naammassisimanissaa + immikkut piumasaqaatit
  • Aningaasaqarneq: IIlinniagaqarnersiutit

HF Imarsiorneq tassaavoq ilinniarnertuunngorniarnerup saniatigut imarsiortutut inuutissarsiuteqalernissamut piareersarusuttunut immikkut naleqqussagaq.

HF Imarsiornermi ilinniagaq tunngavigalugu aquttunngorsinnaavutit/umiarsuarmi naalaganngorsinnaavutit, maskinmesterinngorsinnaavutit imaluunniit aqumiunngorsinnaallutit. Ilinniarneq ukiuni 3-ni ingerlanneqartarpoq.  

Ilinniarnermi teoriinik ilinniarneq aamma laboratoriani sullivinnilu sungiusarluni sulinerit paarlakaapput, taamatullu ilinniartitsissutit ilinniarnertuunngorniarfinni ingerlanneqartartut imarsiornermullu tunngassutilinik ilinniartitsissutit paarlakaanneqartarlutik.

Ilinniartitsineq ilinniarnertuunngorniarfimmi aamma imarsiornermik ilinniarfimmi ingerlanneqartarpoq.

Ilinniarnertuunngorniarfimmi ilinniartitsissutit tassaapput: qallunaat oqaasii, kulturilerineq, matematikki, tuluttut, pinngortitalerineq, fysik, assilissanik eqqumiitsuliorneq, timersorneq aamma ilinniartitsissutit toqqagassat assigiinngitsut.

Imarsiornermi ilinniarfimmi makkunannga ilinniassaatit: sumiissusersiorneq, pigaartuuneq, umiarsuarmi teknikki, tuluit oqaasii, qatserineq, maskiinanut tunngasunik ilinniarneq, assassorissat imarsiorneq/imarsiortutut pissusilersuutit aamma sillimaniarneq.

Ilinniartitsissutit imarsiornermut tunngasut skibsassistentitut sungiussisimanngitsutut atorfinissutaasinnaapput..

Ilinniarfiusinnaasut

HF Imarsiorneq ilinniarfinni ukunani ingerlanneqarsinnaavoq:

Aningaasaqarneq aamma ineqarneq

HF Imarsiornermi ilinniartuuguit kalaallit ilinniagaqarnersiutaannik pisinnatitaavutit. Ilinniagaqarnersiaqarnermut tunngasut atuarsinnaavatit uani.

Royal Arctic Line-p aamma Namminersorlutik Oqartussat  MARTEC Frederikshavnimiittoq aamma SIMAC Svendborgimiittoq qanimut suleqatigaat.

Ilinniagaqarnerpit nalaani ukioq siulleq periarfissaqarputit MARTEC-imi aamma SIMAC -imi Søfartskolemi najugaqassallutit. 18-inik ukioqalernissavit tungaanut nerisaqarnerit ineqarnerillu akeqanngillat. Tamatuma kingorna nerisaqarnermut ineqarnermullu akiliisalissaatit, naliginnaasumik Namminersorlutik Oqartussaniit ilinniagaqarnersiaqalissaatit qaammammut kr. 4.650 kr.

Ilinnialernissamut piumasaqaatit qinnuteqarnerlu

Ilinniartunngornissat akuerineqassappat piumasarineqarpoq 10. klasse naammassisismassagit. Tamatuma saniatigut peqqissutsimut misissortissimassaatit akuerineqartumik, tamtumunnga ilanngullugu imarsiortunut atuuttumik isigisat tusaasallu misissorneqarnissaat

Ilinnialerumalluni qinnuteqarneq una aqqutigalugu pissaaq: www.optagelse.dk.

Siunissami periarfissat

HF–Imarsiorneq imminermini atorfinissutaasinnaanngilaq, kisianni HF-Imarsiornerup naammassinerata kingorna aquttutut/umiarsuup naalagaatut, maskinmesteritut imaluunniit aqumiutut inuutissarsiuteqalernissat piareersalersinnaavat. Umiarsuup naalagassaatut ilinniaqqissaguit aquttumut ilinniartutut minnerpaamik qaammatini 12-ni umiartorsimasariaqarputit imaluunniit qaammatini 18-ini skibsassistentitut sungiussisimanngitsutut umiartorlutit.

Maskinmesteritut imaluunniit aqumiutut ilinniarniaruit værkstedsskolimi ilinniaqqaassaatit tamatumalu kingorna sungiusarlutit sulillutit. HF-Imarsiorneq aammattaaq ilinniarnertuunngorniarluni iliniarnerit allat assigalugit ingerlaqqiffiusumik ilinniakkani allani ilinnialissutaasinnaavoq