Nunarsuarmi periarfissat

Ilinniarnertuunngorniaatigalutit nunarsuaq takorusuppiuk?

Danmarkimi ilinniarnertuunngorniarneq

Kissaatigigukku Danmarkimi ilinniarnertuunngorniarsinnaavutit. Danamarkimi ilinniarnertuunngorniarluni ilinniarneqarsinnaasut pillugit uana paasiniaagit www.ug.dk

Danmarkimi ilinniarnertuunngorniarfimmi ilinniartunngorniaraanni piumasaqaataapput:

  • Kalaallit Nunaanni Danmarkimiluunniit Meeqqat Atuarfiani naammassisimanissaq (9. klasse angullugu)  
  • Iliniarnissamut pilersaarummik (uddannelsesplan) immersuisimanissaq

Ilinniarnissamut pilersaarummik piniarlutit najukkanni Majoriaq saaffigissavat. Maluginiassavat immikkut piumasaqaatitaqarmat taakkulu pillugit paasisaqarnerusinnaavutit uani www.ug.dk

Danmarkimi ilinniartunngorniaruit qinnuteqaammik immersuissaatit uani www.optagelse.dk

Danmarkimi ilinniarnertuunngorniarfimmi ilinniartuuguit qallunaat SU-annik qinnuteqarsinnaavutit. Paasissutissat anertunerusut takusinnaavatit ilinniagaqarnersiaqarnerup ataani aamma uani www.su.dk

Nunat Avannarliit

Kalaaliullutit Nunani Avannarlerni innutaaqataavutit, taamaammat Nunani Avannarlerni allani (Norge, Sverige, Finland, Savalimmiut, Island) innuttaasutuulli Nunat Avannarliit arlaanni ilinniarnertuunngorniarfimmi ilinniartunngorumallutit qinnuteqarsinnaavutit.

Nunani Avannarlerni assigiinngitsunik ilusilinnik ilinniarnertuunngorniarfeqarpoq taakkulu pillugit annertunerusumik paasisaqarsinnaavutit uani www.norden.org

Ilinniagaqarnersiutivit nunamut Nunananut Avannarlernut ilaasumut ilinniartuuninni nassarnissaat qinnutigisinnaavat. Annertunerusumik uani paasisaqarsinnaavutit

Nordatlantisk Gymnasieklasse   

www.nordatlantisk.dk

Nunat allat

United World Colleges (UWC) aqqutigalugu ilinniarnertuunngorniarneq ilinnniarnerpit ilaa nunami allami ingerlassinnaavat.

United World Colleges tassaavoq International Baccalaureate (IB), ukiuni atuarfiusuni marlunni ingerlanneqartartoq (2. aamma 3.g.). 

Uani annertunerusumik paasisaqarsinnaavutit.