Ilinniakkatigut sammivik Timersorneq

Timersorneq timersortartutut piukkunnassuseqartutut (eliteniveau) soqutigisarigukku, ilutigisaanillu GUX-mi ilinniarusullutit ilinniakkatigut sammivik taanna ilinnut tulluuttuussaaq.  

Ilinniarnerit ukiumik ataatsimik sivisunerusumik ingerlatissavat, imaappoq sapaatip-akunneranut nalunaaquttap-akunneri atuarfissatit ikinnerussapput timersornermut sungiusarninni timersuutinilu unammersuarnerni Kalaallit Nunanni nunallu avataani peqataanissannut periarfissaqarniassagavit.

Ilinniakkatigut sammiviup Nuummi GUX-imi ilinniakkatigut sammiviit allat assigalugit ilinniartitsissutit pinngortitamik ilisimatusarnermut humanioranullu tunngasut imarivai, timersornermullu ersarissumik sammitinneqarluni.

 

Paasissutissat annertunerusut uani takusinnaavatit www.gu-nuuk.gl.

Ilinniartitsissutit pingaarnerit:

  • Timersorneq,
  • Oqaatsinik ilinniartitsissutit: kalaallisut, qallunaatut aamma tuluttut,
  • matematikki, uumassuseqartulerineq aamma oqaluttuarisaaneq 

Siunissami periarfissat

Ilinniakkatigut sammivik ilinniakkatigut sammivittut aallatuulli Kalaallit Nunaanni, Danmarkimi nunanilu allani ilinniakkani qaffasinnerusuni ilinnialernissamut periarfissiivoq