Teknikkimut pinngortitamillu ilisimatusarnermut tunngasunik sammivilimmik ilinniarneq

Teknikki, geologii aamma aatsitassat soqutigisarigukkit taakkununngalu sammivilinnik ilinniarusukkuit sammivik taanna toqqassallugu ilinnut piukkunnassaaq.  Immaqa soqutigivat teknologiikkut inerisaanissaq, aatsitassanik piiaanermut atatillugu pinngortitap illersornissaanik mianerinnittoq. 

Ilinniartitsissutit pingaarnertut ingerlanneqartussat ukuupput:

  • matematikki,
  • teknikkimut tunngasut aamma
  • minnerpaamik atuartitsissutinit ukunannga marluk toqqarneqassapput: Uumassuseqartulerineq (biologi), nunalerutit (geografi), kemi imaluunniit fysik

Siunissami periarfissat

Teknikkimut pinngortitamillu ilisimatusarnermut sammivilimmik ilinniarnertuunngornerup ARTEK -imi aamma Kalaallit Nunaanni, Danmarkimi nunanilu allani pinngortitamik ilisimatusarluni ingerlaqqiffiusumik ilinniakkani ilinnialersinnaaneq periarfissippaa.