Pinngortitamik ilisimatusarnermik ilinniakkatigut sammivik

Pinngortitami pisartut paasinissaanik soqutigisaqarpit? Misileraanerit aamma laboratoriani pinngortitamilu paasiniaanerit nuannarivigit?  

Tigussaasumik pinngortitamik ilisimatusarnermut ataqatigiiffinni matematikkip atornissaa periarfissaqarfigissavat, aamma periutsit soorlu asimi sulinerit, laboratoriani sulinerit, paasissutissanik suliaqarneq nalunaarusiornerlu suliarissavatit.

 Ilinniarnermi ilinniartitsissutit pingaarnerit ukuupput:

  • matematikki
  • aamma minnerpaamik atuartitsissutinit taneqartunit pingasunit tassaasut uumassuseqartulerineq, nunalerutit, kemi aamma fysik

Siunissami periarfissat

Pinngortitalerinermik ilisimatusarnermik ilinniakkatigut sammivik Kalaallit Nunaanni, Danmarkimi nunanilu allani qaffasinnerusumik ilinniarnissamut periarfissiivoq.