linniagaqalernissamut piareersarluni ukiut 2 atuarneq

Matumani atuarsinnaavat ukiut 2 atuarneq GUX-imit ukiut 3-ni ingerlanneqartartumiit sutigut allaanerussuteqarnersoq.

Ukiuni marlunni ingerlasussaq suugami?

Ukiuni marlunni piareersarfiusumik ilinniarneq atugarsorfiusussaavoq ukiuni marlunni naammassiniagassaq.

Ilinniarneq nalinginnaasumik ilinniaqqinnissanut periarfissaqartitsivoq, annermillu ilinniartitaanernut ingerlaqqiffiusunut naatsunut akunnattumillu sivisussusilinnut sammititaalluni, soorlu peqqissaasungorniarnermut ilinniartitsisunngorniarnermullu.   Ilinniartitaaneq aamma ilinniarnernut ingerlaqqiffiusunut isersinnaanermut periarfissiivoq - matumani ilinniakkanut piumasaqaatit immikkorluinnaq ittut naammassineqarsimassappata.

Ilinniarnerit ingerlaqqiffiusut ilaat karakteerini aalajangersimasumik angusaqarsimanissamut piumasaqaatitaqarput imaluunniit atualernissamut ilinniakkanik immikkut ittunik ilisimasaqarnissamik piumasaqarfiullutik.

Ilinniakkani sammiviit
Ukiuni marlunni ilinniarnermi tunngaviusumik ilinniagassat aamma ilinniakkami sammisassatut toqqakkat sammineqassapput.

Tunngaviusumik ilinniagaq

Ilinniakkami sammivik

Ilinniarnernut makkununnga sammititaq

Ilinniarnernut makkununnga ingerlaqqiffiusinnaasoq

Kalaallisut A

Danskisut A

Tuluttut C

Matematik C

Inuiaqatigiilerineq C

Kulturimut tunngasut C

Nunalerineq C

Timersorneq ilinniakkatut ataatsimoorussatut

Ilinniartitseriaatsit

Ilinniarnermi sammisaqarneq

Science

Uumassusilerineq B

Kemi C

Immikkut toqqagassat Mat B/Tul B/Psyk C

Ilinniartitsisunngorniarneq Peqqissaasunngorniarnerit Biotekniker Ernisussiortoq

Kulturilerineq oqaluttuarisaanermillu sammisaqarneq Nutserineq oqaluttaanerlu NI-Nuummi Akademiuddannelse Inunnik Isumaginninneq Oqaatsit, atuakkialerineq tusagassiorfiillu Tusagassiortunngorniarneq Perorsaasunngorniarneq

Kulturi

Inuiqatigiilerineq B

Upperisarsiorneq C

Tuluttut  B

Immikkut toqqagassat Mat B/Psyk C

Ilinniartitsisunngorniarneq Tusagassiortoq       Inunnik Isumaginnittoq Perorsaasoq

Kulturilerineq oqaluttuarisaanermillu sammisaqarneq Aningaasarsiorneq inuussutissarsiutinut tunngasoq Inuiaqatigiinnik Ilisimatusarneq Inatsisilerineq Nutserineq oqaluttaanerlu NI-Nuummi Akademiuddanelse Oqaatsit, atuakkialerineq tusagassiorfiillu, Teologi

Inersimasunut ukiuni marlunni ilinniarneq (GUX Aasiaat)

Inersimasunut piareersarfiusumik ukiuni marlunni ilinniarneq inersimasunik allanik peqateqarluni ilinniarnissamik periarfissiivoq.

Atuarfiup ilinniariaaseq Science neqeroorutigaa.

Ilinniarneq GUX Aasiaat aqqutigalugu ingerlanneqarsinnaavoq : www.gux-aasiaat.gl Apeqqutissaqaruit atuarfimmi siunnersortit attavigikkit.  Attaveqarnissamut paasissutissat atuarfiup nittartagaaniipput. 

Qinnuteqarninni qinnueqarfissamut ilinniarnerup normua 185022 ilanngutissavat (Ukiuni marlunni Science Aasiaat).

Ilinniarnerpit nalaani ilinniartut ineqarfiini inissamik qinnuteqarsinnaavutit.

Studieliv aqqutigalugu ilinniartut ineqarfii pillugit paasisaqarnerusinnaavutit.

e2-årig – ungasissumiit ilinniarneq (eGUX)

e2-årig qarasaasiakkut ungasissumiit eqaatsumik ilinniarnertuunngorniarusuttunut sammititaavoq.

Sullitarerusunneqartut tassaapput inuusuttut inersimasullu piginnaasaqarfiulersumik ilinniarnermik aallartitserusuttut aammalu inersimasunngoreersimasunut nammineerlutillu aaqqissuisinnaasunut.

e2-årig-imi ilinniagassat Kulturi aamma Science neqeroorutaapput. 

Ilinniarnissamut qinnuteqartut ilinniarnermut akuerisaanerminnut atatillugu ilinniartut ineqarfiini inissiamik tunineqannginnissaminnik tunineqarnissamilluunniit neqeroorfigineqarput.    

Qinnuteqarninni e2-årig-imi ilinniagassaq Science qinnuteqaammut ilinniarnerup normua 110101 ilanngutissavat.  

Qinnuteqarninni e2-årig-imi ilinniagassaq Kulturi qinnuteqaammut ilinniarnerup normua 110102 ilanngutissavat.  

www.eGUX.gl aqqutigalugu attaveqarfissanut paasissutissat nassaarikkit atuarlugillu.

Piumasaqaat

GUX-imi ukiuni marlunni ilinniarnissamut piumasaqaatit nalinginnaasut

Isersinnaanermut piumasaqaatini tiguneqartarneq pillugu GUX pillugu inatsit naluaarullu malinneqarput, tamannalu isumaqarpoq 10. klassemi, sulianni meeqqallu atuarfianni pinngitsoorani naggataarutaasumik misilitsinninni tunngaviusumik karakteerinni tamani minnerpaamik E-mik pissarsisimassasutit. Karakteerit piumaneqartut tamakkerlugit angusiffigisimanngikkukkit karakteerinut piumasaqaatinit immikkut akuerineqarnissaq qinnutigineqarsinnaavoq imaluunniit misilitsinnikkut iserniartoqarsinnaavoq. 

Ukiuni pingasuni GUX-imiinnissamut inatsimmi imaattunik nikingasoqarpoq: 

  • Karakteerinut piumasaqaatit tunngavigalugit tigusisoqassappat naammattunik piginnaasaqarnissaq piumasarineqarpoq.  Tamannalu isumaqarpoq qinnuteqartoq tiguneqarnissaminut inatsisitigut piumasaqarsinnaanngitsoq. 
  • Ilinniaqqinnissamut kissaateqarnerup taaneratigut piumassuseqarluni qinnuteqarnissaq piumasaqaataavoq. 
  • Qinnuteqartoq kinaagaluartoq karakteerinut piumasaqaatit aqqutigalugit tiguneqanngitsoq, matumani immikkut akuersissuteqarneq aqqutigalugu, misilitsinneqassaaq. 
  • Karakteerinut piumasaqaat aqqutigalugu tigutinneq, matumani immikkut akuersissuteqarneq ilanngullugu, aamma inatsimmi § 8 malillugu, misilitsinneq aqqutiginagu meeqqat atuarfianni misilitsinnerup kingornagut ukiut marluk sinnerlugit atuutissaaq. 

Piginnaasat amigarsimappata qinnuteqartut Majoriaq aqqutigalugu ikioqatigiissinnaassapput.  

Ukiuni marlunni GUX-ernissamut inersimasut isersinnaanissaannut piumasaqaatit immikkorluinnaq ittut.

  • Tamakkiisumik ukiuni marlunni attuumassutilimmik inuussutissarsiutitigut misilittagaqarnissaq piumasaqaataavoq. 
  • Qinnuteqartoq ilinniarnerup aallartinnerani ikinnerpaanik 23-nik ukioqassaaq. 

Ukiuni marlunni eGUX-imiinnissamut tiguneqarnissamut piumasaqaatit immikkorluinnaq ittut 

  • Qinnuteqaruit qinnuteqaat kajumissuseqarpaluttoq nassiutissavat.  Ungasissumiit ilinniarneq aqqutigalugu ilinniarnertuunngorniarnerup toqqarneranut tunngavilersuutit ilanngutissavat - ilinniaqqinnissamik kissaateqarnerpit saniatigut.  
  • Ilinniarneq internet aqqutigalugu ingerlanneqartussaammat qinnuteqartut qarasaasiamut, internetimut webcamimullu isersinnaasariaqarput.

Oqaatsit

Ilinniarnertuunngorniarfimmi ilinniartitsissutini kalaallit danskillu oqaasiisa atorneqarnerat nikerarpoq.

Ilinniartitsinermi oqaatsinik sorlernik atuinissami ilinniartitsissutaasoq ilinniartitsisorlu apeqqutaasarput.  Oqaatsinik ilinniartitsissutini oqaatsit atorneqartussat aalajangiunneqareerput, akuttunngitsumilli ilitsoqqussaralugit oqaatsinnik akusinnaassavatit.  Ilinniartitsissutini kalaallit kulturiannik sammisaqarfiusuni kalaallit oqaasii akuttunngitsumik atorneqarput, ilinniartitsissutinilu ilinniartitsisoq danskiuppat danskisut ilinniartitsisoqassaaq.  Ilinniarnermi oqaatsinik atuisarnerit pillugit paasisaqarnerorusukkuit ilinniarnertuunngorniarfik paasiniaaffigisinnaavat.

Aningaasaqarneq

Ukiuni marlunni piareersarfiusumik ilinniarnermi ilinniartuuguit ilinniarninnut ilinniagaqarnersiuteqarnissannut qinnuteqarsinnaavutit.

Ilinnigaqarnersiutit qanoq amerlatiginissaannut apeqqutaassaaq 18-ileereersimanersutit imaluunniit naamik.  Ilinniagaqarnersiutinut paasissutissat amerlanerit uaniipput.